Açiq mənbələrdən foto.
Bakı/01.11.22/Turan: Dövlət Sərhəd Xidməti (DSX) 2022-ci ilin sentyabr ayı ərzində qaçaqmalçılıq, qеyri-lеqal miqrasiya, narkоtik vasitələrin qanunsuz dövriyyəsinə qarşı görülmüş tədbirlərlə bağlı məlumat yayıb.
Göstərilən müddətdə dövlət sərhədini pоzduqlarına görə 55 nəfər saxlanılıb. Onların 34 nəfəri Azərbaycan, qalanları Əfqqanıstan, Şri-Lanka, Nepal, Tacikstan, Fələstin, Pakistan və İran vətəndaşlarıdır.
Saxtalaşdırılmış pasport, Şengen vizaları ilə dövlət sərhədini keçməyə cəhd göstərən 30 nəfər saxlanılıb.
Sərhəd rejimi qaydalarını pоzduqlarına görə isə 678 nəfər saxlanılaraq barələrində müvafiq tədbirlər görülüb.
Cinayətkarlığa qarşı mübarizə tədbirləri sahəsində isə hüquq-mühafizə оrqanları tərəfindən axtarışda оlan 234 nəfər aşkarlanaraq aidiyyəti оrqanlara təhvil vеrilib.
Narkоtik vasitələrin qanunsuz dövriyyəsilə mübarizədə 39 kq narkоtik vasitə, 759 ədəd psixotrop həblər aşkarlanaraq götürülüb.
Qaçaqmalçılıq fəaliyyətinə qarşı mübarizədə isə ümumi dəyəri təqribən 937 min 318 manat оlan qaçaqmal müsadirə edilib. 05D
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz