Açiq mənbələrdən foto.
Şərq Tərəfdaşlığı Vətəndaş Cəmiyyəti Forumu Milli Platforması Bəxtiyar Hacıyevin azad olunmasını tələb edir
Bakı/12.12.22/Turan: Siyasi fəal, vətəndaş cəmiyyəti təmsilçisi, Milli Platformanın üzvü Bəxtiyar Hacıyevin cinayət məsuliyyətinə cəlb edilməsilə bağlı Bakı Şəhər Baş Polis İdarəsinin qərarı əsassızdır.
Bakı Şəhər Xətai Rayon Məhkəməsinin Hacıyevin 1 ay 20 sutka həbs edilməsi barədə qərarı qanunsuzdur. Bu barədə dekabrın 11-də Şərq Tərəfdaşlığı Vətəndaş Cəmiyyəti Forumu Milli Platformasının bəyanatında deyilir.
Milli Platforma bildirir ki, Bəxtiyar Hacıyevin 221-ci (xuliqanlıq) və 289-cu (məhkəməyə hörmətsizlik) maddələrlə məsuliyyətə cəlb edilməsi barədə qərar dərhal ləğv edilməlidir.
“Bu ittihamın 10 dekabr Beynəlxalq İnsan Hüquqları Günü ərəfəsində elan edilməsi hakimiyyətin insan haqlarına münasibətini bir daha nümayiş etdirir”.
Milli Platforma Azərbaycan hökumətini Hacıyevə qarşı qanunsuz hərəkətlərdən çəkinməyə çağırır.
Şərq Tərəfdaşlığı Vətəndaş Cəmiyyəti Forumu Milli Platforması çoxsaylı qeyri-hökumət təşkilatlarını birləşdirir. Platformanın əsas məqsədi Avropa İttifaqı Şərq Tərəfdaşlığı siyasətinin hazırlanması, həyata keçirilməsi və monitorinqi prosesində Azərbaycan vətəndaş cəmiyyəti təşkilatlarının səmərəli iştirakını təmin etməkdir. 0
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz