Seymur Həzinin işi üzrə məhkəmə başlayır
Abşeron rayon məhkəməsində xuliqanlıqda ittiham olunan “Azadlıq” qəzetinin əməkdaşı və “Azərbaycan saatı” adlı on-line verilişin aparıcısı Seymur Həzinin cinayət işi üzrə hazırlıq iclası başlayıb.
Müdafiə tərəfi Həzinin həbsdə saxlanılmasını əsassız hesab edir, belə ki, onun həbs müddəti hələ oktyabrın 29-da bitib və uzadılmayıb.
Xatırladaq ki, Həzi avqustun 29-da Ceyranbatan qəsəbəsində saxlanılıb. Avqustun 30-da Baş Prokurorluğun mətbuat xidməti bildirib ki, Həzi Bakı sakini Məhərrəm Həsənovun başına şüşə butulka ilə zərbə endirib.
Jurnalistə qarşı 221.3-cü (xuliqanlıq, silahdan və ya silah qismində istifadə olunan əşyadan istifadə ilə törədildikdə) maddə ilə cinayət işi açılıb.
Münaqişə Həsənovun Həzini sosial şəbəkələrdə ona qarşı hörmətsizlik etməkdə ittiham etməsi, daha sonra ona hücum çəkməsi ilə başlayıb. Jurnalist özünü müdafiə etmək məcburiyyətində qalıb və Həsənova əlindəki əşya ilə zərbə endirib.
Vəkil Adil İsmayılovun sözlərinə görə, üzləşdirmə zamanı Həsənov Həzinin onu facebook-da necə təhqir etdiyini aydın şəkildə izah edə bilməyib.
Qeyd edək ki, Həsənov maksimum 1 ilədək azadlıqdan məhrum edilə bilər, bir halda ki, Həzi 3 ildən 7 ilədək məhkum edilə bilər. -03D06-
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz