Bakı/10.09.19/Turan: Azərbaycan və digər ölkələrdəki şiələr sentyabrın 10-da Məhəmməd Peyğəmbərin nəvəsi və imam Əlinin oğlu imam Hüseynin xatirəsini anaraq Aşura gününü qeyd edirlər.
Ənənəvi olaraq ən çox kütləvi tədbirlər Nardaran qəsəbəsində, həmçinin Məşədi Dadaş və Təzəpir məscidlərində keçirilir.
Aşura günündə mağazaların və digər obyektlərin çoxu bağlı olur. Həmin gün şənləmək və əylənmək günah sayılır. Dindarların çoxu Kərbəla şəhəri yaxınlığında (müasir İraq) şəhid olmuş İmam Hüseynin və onun tərəfdarlarının xatirəsinə ehtiram olaraq küçələrdə və ictimai yerlərdə ehsan mərasimləri təşkil edir.
Əvvəllər həyata keçirilən qanlı özünüdöymə aksiyasına alternativ olaraq həmin gün Azərbaycanın məscidlərində qanvermə aksiyası keçirilir.
Arzu edən hər kəs qanvermə aksiyasında iştirak edə bilər. Bu gün Qafqaz Müsəlmanları İdarəsinin sədri Allahşükür Paşazadə ilə birlikdə Dini Qurumlarla İş üzrə Dövlət Komitəsinin sədri Mübariz Qurbanlı, Milli Məclisin deputatları, həmçinin digər dini konfessiyalatın rəhbərləri qanvermə aksiyasında iştirak ediblər. Ölkə boyunca qanvermə aksiyası təşkil edilib. Bakıda bu 13 məsciddə və səhiyyə müəssisəsində həyata keçirilir. -02D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz