Bakı/23.01.20/Turan: Ekologiya və Təbii Sərvətlər Nazirliyinin sinoptikləri bildiriblər ki, yanvarın 23-də axşam Bakıda və Abşeronda güclü cənub-qərb küləyi əsəcək, tədricən güclü şimal-qərb küləyinə keçəcək və yanvarın 24-də davam edəcək.
Yanvarın 24-dən 25-nə keçən gecə yağış və sulu qar yağacaq.
Yanvarın 24-də havanın temperaturu gecə və gündüz 0 + 3 dərəcəyə enəcək.
Yanvarın 23-ü axşamdan 25-dək ölkənin bölgələrində havanın çox soyuyacağı, sulu qar və qar yağacağı gözlənilir. Güclü şimal-qərb küləyi əsəcək, havanın temperaturu 4-6 dərəcə enəcək. Yollar buz bağlayacaq.-02D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz