Bakı/23.12.18/Turan: Dekabrın 22-də Azərbaycanda Siyasi Məhbusların Vahid Siyahısının hazırlanması üzrə İşçi Qrupu siyasi məhbus kimi tanınan şəxslərə dəstək məqsədi ilə kitab toplama kampaniyası keçirib.
Kampaniya çərçivəsində çoxsaylı insanlar, müxalif siyasi liderlər, ictimai xadimlər, ictimai-siyasi fəallar siyasi məhbus sayılan şəxslər üçün kitablar gətirib.
"Artıq yüzlərlə kitab toplanıb. Toplanmış kitablar yaxın günlərdə ailələri vasitəsi ilə siyasi məhbuslara çatdırılacaq", hüquq müdafiəçisi Xədicə İsmayıl Turana bildirib.
Azərbaycanda Siyasi Məhbusların Vahid Siyahısının hazırlanması üzrə İşçi Qrupu 2014-cü ildə təsis edilib.
Bu il sentyabrın 1-də işçi qrupu ölkədə 130 nəfəri siyasi məhbus kimi tanıdığını bildirib
Qrupun yaydığı hesabatda deyilir ki,əldə edilmiş sənədlər, məhkəmə müşahidələri və müsahibələr əsasında İşçi Qrup 128 işdə siyasi motivli həbsin baş verdiyini təsbit edərək, o məhbusları siyasi məhbus kimi tanıyıb.-0-
Məlumatda deyilir ki, 2 nəfərin işi hələ monitorinq altındadır.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz