Siyasi Məhbuslar Monitorinq Mərkəzi “Müsəlman Birliyi” Hərəkatının lideri Taleh Bağırzadə və “Nardaran işi” üzrə digər təqsirləndirilən şəxslərin işi üzrə məhkəmə prosesi ilə bağlı bəyanat yayıb.
“Biz və Azərbaycanın bütün demokratik ictimaiyyəti qeyri-obyektiv məhkəmə istintaqından qəzəblənib. Təqsirləndirilən şəxslərin onlara amansız işgəncələr verilməsi haqqında çoxsaylı ifadələrinə baxmayaraq, hakimlər bu şikayətləri araşdırmır. Əksinə, dövlət ittihamçıları və hakimlər şahidlərin - DİN-in Mütəşəkkil Cinayətkarlığa qarşı Mübarizə baş İdarəsinin əməkdaşlarının müttəhimlərin və vəkillərin onları ifşa edən suallarından yayınmasına kömək edir”, deyə Siyasi Məhbuslar Monitorinq Mərkəzinin rəhbəri Elşən Həsənov Turan-a bildirib.
“Nardaran işi” üzrə təqsirləndirilən şəxslər barəsində Avropa İnsan Hüquqları və Azadlıqları Konvensiyasının 3 (işgəncələrin qadağan edilməsi), 6 (ədalətli məhkəmə təhqiqatı hüququ), 13 (səmərəli müdafiə vasitəsi əldə etmək hüququ) və 14-cü (ayrı-seçkiliyin qadağan edilməsi) maddələri pozulub, deyə o bildirib.
Həbsdə olanların və bəzi şahidlərin ifadələri Nardaran qəsəbəsində hədsiz güc tətbiqinin qanunauyğunluğunu şübhə altına qoyur, deyə bəyanatda bildirilir.
“Biz işgəncələrin obyektiv araşdırılmasını, müstəqil ekspertlərin iştirakı ilə ekspertizalar həyata keçirilməsini tələb edirik. Polisin əsassız olaraq silahdan istifadə etməsini və nəticədə insanların həlak olmasını pisləyirik”, deyə Siyasi Məhbuslar Monitorinq Mərkəzinin bəyanatında qeyd edilir. -06В-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz