Bakı/19.09.19/Turan: Mühakimə olunmuş ilahiyyatçı Ruhulla Axundzadənin oğlu Məhəmmədəli Axundzadə atasının vəziyyətinin ağır olduğunu, ona tibbi yardımın göstərilmədiyini bildirib.
2011-ci ildə 11, 5 il müddətinə mühakimə olunmuş ilahiyyatçı 2013-cü ilin mayında infarkt keçirib.
"Bu günə kimi atama normal tibbi xidmət göstərilməyib. Hətta həkimlərin onun müalicəsi üçün müəyyən etdiyi dərmanları özümüz göndərsək də həmin dərmanlar ya ona verilməyib, ya da çox gec verilib. Bu da onun səhhətinin daha da ağırlaşmasına səbəb olub. Bundan əlavə, atam artıq üç ildir ki, müayinədən keçirilmir, halbuki, belə xəstələr mütəmadi müayinə olunmalı və daimi həkim nəzarəti altında olmalıdırlar", - M.Axundzadə bildirib.
O yazır ki, Avropa Penitensiar Qaydalarının 46.1-ci maddəsinə görə, xüsusi müalicə tələb edən xəstə məhbuslar penitensiar müəssisədə, bu mümkün olmadıqda isə xüsusiləşdirilmiş müəssisələrə və yaxud mülki xəstəxanalara köçürülürlər
M.Axundzadənin sözlərinə görə, 2016-cı ildə atasının vəziyyəti kritik olduğu üçün məcburiyyət qarşısında qalıb onu Penitensiar Xidmətin müalicə müəssisəsinə yerləşdiriblər. Lakin rəhbərlik və müəssisə personalı onunla pis rəftar ediblər və o, erirazını bildirdikdə atasını koloniyaya qaytarıblar.
M.Axundzadə yazır ki, atası ağır vəziyyətdədir və Ədliyyə Nazirliyinin müalicə müəsisəsinə, ya da mülki xəstəxanaya köçürülməlidir. O, Azərbaycan ictimaiyyətindən, hüquq-müdafiə təşkilatlarından, Beynəlxalq Qızıl Xaç Komitəsindən bu məsələni nəzarətdə saxlamağı, atasının keyfiyyətli və effektiv müalicəsinə yardımçı olmağı xahiş edir.
*Ruhulla Axundzadə İslam Partiyasının lideri Mövsüm Səmədov və digər fəallarla birlikdə "İslam Partiyasının işi" üzrə həbs edilib. Onlar konstitusiya quruluşunun zorla dəyişdirilməsinə cəhddə, silahlı qrupun yaradılmasında, qanunsuz silah saxlamaqda və s. cinayətlərdə ittiham olunublar. İş üzrə keçən şəxslər siyasi məhbus kimi tanınıblar.-06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz