Photo TURAN.
Bakı/19.10.22/Turan: Azərbaycanda külli miqdarda narkotik maddə dövriyyəsində ittiham olunaraq həbs edilən siyasi mühacir Anar Əliyevin xanımı Anarə Əliyeva bu gün Daxili İşlər Nazirliyinin qarşısında təkbaşına etiraz aksiyası keçirib.
O, həyat yoldaşına qarşı əsassız cinayət təqibinə, habelə onun ölkədən çıxışına qanunsuz qadağa qoyulmasına etiraz edib.
Anarə Əliyeva bildirib ki, o və həyat yoldaşı Almaniyada humanitar əsaslarla qaçqın statusu alıblar.
Bu il iyulun 8-də xəstə qayınatasını ziyarət etmək üçün Azərbaycana gəliblər. İyulun 25-də həyat yoldaşı saxta narkotik maddə alveri ittihamı ilə həbs edilib.
Üstəlik, onun özünün ölkədən çıxışına qadağa qoyulub, baxmayaraq ki, nə şahid qismində cəlb edilib, nə də təqsirləndirilən şəxs.
Bu qadağaya görə Anarə Əliyeva iki övladı ilə Almaniyaya gedə bilmir.
“Bu qanunsuz qadağaya görə mən peşə təhsilimi davam etdirə bilmirəm, övladlarım isə məktəbdə təhsilini davam etdirə bilmir. Bundan əlavə, kiçik qızım ağır zədədən sonra reabilitasiya kursunu davam etdirə bilmir. Mən həyat yoldaşımın azadlığa buraxılmasını, hüquqlarımızın pozulmasına son qoyulmasını tələb edirəm”, - Əliyeva deyib.
Polis əməkdaşları onu Daxili İşlər Nazirliyinin qəbul şöbəsinə qədər müşayiət ediblər və ölkədən çıxışına qadağanın götürülməsi üçün nazir Vilayət Eyvazova ərizə yazmasını istəyiblər.
Ona bildirilib ki, Daxili İşlər Nazirliyinə müraciətilə bağlı gün ərzində ona cavab veriləcək. 06B
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz