Bakı/20.11.18/Turan: Siyasi Məhbusları Müdafiə Mərkəzinin (SMMM) Milli Şura və AXCP fəallarının Şəhidlər Xiyabanına ziyarətinə polis müdaxiləsini və onların həbsini qəti şəkildə pisləyib.
SMMM-in bəyanatında deyilir ki, saxlanılan, sonra da cərimələnən fəallar qanunazidd heç bir hərəkət törətməyiblər.
SMMM vətəndaşların konstitusion hüquqlarının pozulmasının və onların siyasi motivlərlə təqib olunmasının yolverilməzliyini qeyd edib.
SMMM Şəhidlər Xiyabanını ziyarət etmək istəyən şəxslərin inzibati cəzalandırılması barədə qərarın ləğvini və qanunu pozan polis əməkdaşlarının cəzalandırılmasını tələb edib.
SMMM-in noyabrın 20-də keçirilmiş iclasında qərara alınıb ki, qanunsuz cərimə cəzasına məruz qalan Milli Şura və AXCP fəallarının cəriməsinin ödənilməsinə dəstək məqsədilə noyabrın 23-də "Dirçəliş marafonu" keçirilsin.
Bundan əlavə, "Həbs yerlərində saxlanma şəraiti və Azərbaycanda siyasi məhbus problemi" mövzusunda hesabatın müzakirəsi aparılıb. Sənəd 10 dekabr- Ümumdünya İnsan Hüquqları Günü beynəlxalq ictimaiyyətə təqdim ediləcək.
Həmçinin qərara alınıb ki, xaricdəki mühacirlərin və onların Azərbaycandakı qohumlarına qarşı həyata keçirilən repressiyalarla bağlı "Avropa işi" hesabatının yenilənməsi üzrə iş 2019-cu ildə davam etdirilsin.-06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz