Elşən Əlisoy
Баку/22.06.21/Turan: Ağsu Rayon Məhkəməsində SOCAR-ın vitse-prezidenti Mikayıl İsmayılovun bloger Elşən Əlisoya qarşı iddiası üzrə hazırlıq iclası keçirilib.
İsmayılov Əlisoyun Azərbaycan Cinayət Məcəlləsinin 147-ci (böhtan) və 148-ci (təhqir) maddələri ilə mühakimə olunmasını tələb edir. Mahiyyəti üzrə dinləmələr iyunun 25-nə təyin edilib.
Əlisoy Turan-a bildirib ki, bu il mayın 18-də azadsoz.com İnternet saytında yayımlanan “Azərbaycanın yeni “Kəmaləddin”i Mikayıl İsmayılovun qaranlıq imperiyası” başlıqlı yazını "Facebook" şəbəkəsindəki səhifəsində paylaşıb və şərh hissəsində "Bu qədər sərvəti neynir bunlar, İlahi... Mikayıl İsmayılov SOCAR-ın 12 vitse-prezidentindən biridir. Mən buna acgözlük və vəhşilik deyirəm" sözlərini yazıb.
“Bu şərhdən sonra Mikayıl İsmayılov mənim cinayət məsuliyyətinə cəlb edilməyim üçün bağlı iddia qaldırdı. O həmçinin mülki iddia qaldıraraq 100 000 manat mənəvi zərər ödəməyimi tələb edir”, -Əlisoy deyib.
Vəkil Nemət Kərimli bildirib ki, hazırlıq iclasında Mikayıl İsmayılovun nümayəndələri məhkəmənin qapalı keçirilməsi ilə bağlı vəsatət qaldırdılar. “Mən bu vəsatətə etiraz etdim. Çünki qapalı məhkəmə iclasları üçün əsaslar var, bu məhkəmə predmeti bunların heç birinə aid deyil deyə məhkəmə prosesi qapalı keçirilə bilməz. Çünki nə dövlət sirri, nə hərbi sirr, nə ailə sirri, nə də kommersiya sirri bu iddianın predmeti deyil”,- o qeyd edib.
Buna baxmayaraq, hakim Anar Əsgərov Mikayıl İsmayılovun nümayəndələrinin vəsatətini təmin edərək məhkəmə iclasların qapalı keçirilməsi ilə bağlı qərar elan edib.
Vəkil hesab edir ki, məhkəmənin iddianı icraata götürməsi də qanuna ziddir “Çünki “Kütləvi informasiya vasitələri haqqında” qanunun 60-cı maddəsinə görə, başqa KİV-də dərc edilən yazını təkrar yayan şəxs hüquqi məsuliyyət daşımır. Mikayıl İsmayılovun barəsində olan yazı açıqsöz.com saytında dərc edilib və Elşən Əlisoy həmin yazını Facebook səhifəsində pasylaşıb. O, sadəcə, yazıya münasibət bildirib. Yazıda milyonlarla dövlət əmlakının mənimsənilməsindən söhbət gedir. Dövlət məmurunun bu qədər mülkiyyətə malik olmasını “arzuolunmaz” və “vəhşilik” hesab edib. Qanunvericiliyə zidd olmasına baxmayaraq, hakim iddianı icraata qəbul edbi”. -03B-
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz