Sosial şəbəkələrdə Qubad İbadoğluna azadlıq tələbi ilə kampaniya başlayıb

Bakı/27.07.23/Turan: Həbsdə olan Azərbaycan Demokratiya və Rifah Partiyasının sədri Qubad İbadoğluna azadlıq tələbi ilə sosial şəbəkələrdə #QubadbeyeAzadlıq... heştegi ilə kampaniya başlayıb.

https://www.facebook.com/hashtag/qubadbeyeazadl%C4%B1q

Kampaniya iştirakçıları elmlər doktoru Qubad İbadoğlunu məhkəmədən aprarakən onun mediaya danışmasının qarşısını almaq məqsədi ilə üzünü qara örtüklə bağladıqlarını simvolizə edərək başlarına qara torba kerçirir və "Qubad İbadoğluna azadlıq!" şüarı qaldırmış halda fotolarını yayırlar.

Kampaniyaya artıq minlərlə sosial şəbəkə iştirakçısı qoşulub. 

İyulun 24-də Bakının Nərimanov Rayon Məhkəməsi Qubad İbadoğlu barədə 3 ay 26 gün həbs qərimkan tədbiri seçib.

Qubad İbadoğlu Azərbaycan Cinayət Məcəlləsinin 204.1-ci (ilə saxta pul, qiymətli dövlət kağızları və ya xarici valyuta, yaxud xarici valyutada ifadə olunan qiymətli kağızları hazırlama, habelə əldə etmə və ya satma), 204.3.1-ci (eyni əməllər mütəşəkkil dəstə tərəfindən törədildikdə) maddələri ilə ittiham olunur.

Azərbaycan Daxili İşlər Nazirliyi Azərbaycan Demokratiya və Rifah (ADR) Partiyasının sədri Qubad İbadoğlunun Türkiyədə 2016-cı ildə çevriliş cəhdində Ankara hökumətinin ittiham etdiyi ABŞ-da yaşayan din xadimi Fətullah Gülənin tərəfdarları ilə əlaqədar keçirilən əməliyyat tədbirləri çərçivəsində saxlanıldığını bildirib.

Qubad İbadoğlu ittihamı qəbul etmir. O, məhkəmədə irəli sürülən ittihamı saxta adlandırıb. 03