Açiq mənbələrdən foto.
Bakı/26.06.23/Turan: İyunun 20-də baş vermiş etiraz aksiyasından sonrakı günlərdə Söyüdlü kəndində yerli sakinlər arasında həbslər davam edib.
Yerli KİV və sosial şəbəkələrdəki məlumatlara görə, etiraz aksiyası iştirakçılarının plakatları və bannerlərinin hazırlandığı poliqrafiya müəssisəsinin sahibi Qabil İsmayılov cinayət məsuliyyətinə cəlb edilib. Məhkəmə onun barəsində 3 ay müddətinə həbs qətimkan tədbiri seçib. Ona qarşı Azərbaycan Cinayət Məcəlləsinin 234.4.3-cü maddəsilə (külli miqdarda qanunsuz narkotik maddə alveri) ittiham irəli sürülüb.
Həmçinin Whatsapp-da Söyüdlü sakinlərinin qrupunu yaradan Etibar Cabbarov həbs edilib. Qrupa 405 istifadəçi daxil olub. Cabbarov hadisələr ərəfəsində Söyüdlüyə hüzr yerinə gəlib, yerli sakinlər deyirlər.
4 gün öncə kənd sakini Şöhrət Əsgərov saxlanılıb. Yaxınlarının sözlərinə görə, Əsgərov uşağa dərman almaq üçün evdən çıxıb və geri qayıtmayıb.
Gədəbəy polisindən ailəsinə deyiblər ki, Əsgərovu Bakıya göndəriblər, lakin onun hansı idarədə saxlanıldığını söyləməyiblər.
Sosial şəbəkələrdəki məlumatlara görə, saxlanılanların sayı daha çoxdur. Ancaq həmin şəxslərin adları açıqlanmır.
Daxili İşlər Nazirliyi həbslər barədə heç bir məlumat vermir və saxlanılanlarla bağlı KİV-də yayılan xəbərləri şərh etmir.
İyunun 20-də Söyüdlü sakinləri yaxınlıqdakı qızıl mədəni tərəfindən ətraf mühitin çirkləndiyini bildirərək etiraz aksiyası keçiriblər. Polis aksiyanı sərt şəkildə dağıdıb, 10 nəfər xəsarət alıb. Beş nəfər saxlanılıb və inzibati qaydada 20 sutka həbs edilib. Digər yaşlı bir sakin 1500 manat cərimələnib. Sonradan daha bir neçə nəfər saxlanılıb. Lakin hüquq-mühafizə orqanları saxlanılanların sayı barədə məlumat vermirlər.-3B06
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz