Sülh və Demokratiya İnstitutu işini Niderlandda davam etdirəcək
Sülh və Demokratiya İnstitutu (SDİ) fevralın 23-də Amsterdam Bələdiyyəsində (Niderland) QHT kimi rəsmi qeydiyyatdan keçib.
SDİ ilk olaraq 1995-ci ildə Bakı şəhərində məşhur Azərbaycanlı hüquq müdafiəçisi Leyla Yunus tərəfindən təsis edilib. 20 il ərzində İnstitut Azərbaycanda insan hüquqlarının müdafiəsi ilə məşğul olub. SDİ nəzdində Konfliktologiya və Miqrasiya Departamenti, Qadın Hüquqlarını Müdafiə Mərkəzi, Piyadalar Əleyhinə Minalara qarşı Mübarizə Mərkəzi, Gənclərlə iş üzrə Departament yaradılıb.
SDİ təhsil proqramları, araşdırmalar, monitorinqlər aparıb, siyasi problemlərin həlli ilə məşğul olub, mülkiyyət hüquqlarını müdafiə edib və s.
Sülh və Demokratiya İnstitutu Qadın Krizis Mərkəzi adlı QHT-nin və digər QHT-lərin yaradılmasına şərait yaradıb.
Niderland şöbəsinə müvəqqəti olaraq Dinara Yunus – Sülh və Demokratiya İnstitutunun təsisçisi və direktorunun və konfliktologiya departamentinin rəhbəri Arif Yunusun qızı rəhbərlik edəcək.
SDİ Azərbaycan üzrə işlərini Avropadan davam etdirərək, əvvəlcədən başlanmış işləri davam etdirəcək.
“Biz Azərbaycanın Avropa Şurasının üzvü kimi üzərinə götürdüyü bütün öhdəlikləri yerinə yetirməsinə şərait yaradacağıq. Azərbaycanda insan hüquqlarına riayət olunmasına nail olmaq SDİ-nin əsas iş prinsipidir”, deyə Dinara Yunus bildirib.
Leyla Yunus – məşhur hüquq müdafiəçisi, Fransanın Fəxri Legion Ordeninin kavaleri 30 iyul 2014-cü ildə saxta dövlətə xəyanət ittihamı ilə həbs edilib. Avqustun 5-də eyni ittihamlarla onun həyat yoldaşı Arif həbs edilib.
Yunusların səhhətinin ağır olmasına və həbslərin açıq-aşkar siyasi motivli olmasına baxmayaraq, onlar həbsdə saxlanılırlar.
Arif və Leyla Yunus işlərini ətraflı şəkildə tədqiq etdikləri siyasi məhbuslar siyahısına daxil olublar. Leyla Yunus qarşıda duran Avropa Oyunları ilə əlaqədar BOK-a Azərbaycanda insan hüquqlarının kütləvi şəkildə pozulması ilə əlaqədar bu oyunlara məhəl qoymamaq çağırışı ilə “Avtoritar ölkələr Olimpiya Oyunları üçün uyğun deyil” adlı müraciət yaydıqdan dərhal sonra həbs edilib. -0-
-
- İqtisadiyyat
- 26 Fevral 2015 14:54
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz