Photo TURAN.
"Sürix"ə qalib gələn "Qarabağ" Çempionlar Liqasında mübarizəni davam etdirəcək
Bakı/28.07.22/Turan: Ağdamın "Qarabağ" futbol klubunun iyulun 27-də Sürixdə yerli "Sürix" komandası ilə oyunu 2:2 hesabı ilə heç-heçə başa çatıb. Beləliklə, "Qarabağ" iki görüşün cəminə görə 5:4 hesabı ilə qalib gələrək, Çempionlar Liqasının üçüncü mərhələsinə çıxıb.
Maç gərgin şəraitdə keçib və görüşün əvvəlində Maksim Medvedevin öz qapısına qol vurmasından sonra "Qarabağ" üçün çətin olub.
"Qarabağ"ın bu qolun əvəzini çıxarmaq səylərinə baxmayaraq, birinci taymda bu, mümkün olmayıb.
İkinci taymın əvvəlində Kadi müdafiəçilərin səhvindən istifadə edərək, bərabərliyi bərpa edib.
"Sürix" buraxılan qoldan sonra hücumu gücləndirib, amma uğur əldə edə bilməyib.
Baş hakim oyunu yeddi dəqiqə uzadıb, bu dəqiqələr ərzində ev sahibi irəli çıxmağa müvəffəq olub. İki oyunun yekunlarına görə (Bakıda "Qarabağ" 3:2 qalib gəlmişdi) hesab bərabərləşib. Buna görə qalibin müəyyən edilməsi üçün əlavə vaxt - hər biri 15 dəqiqə olan iki taym təyin edilib.
"Qarabağ" oyunun sonuna yaxın buraxılan qoldan sonra ruhdan düşməyib və əlavə vaxtda dərhal hücuma keçib. 98-ci dəqiqədə Zubirdən topu alan Ovusu qapının aşağı küncünə düzgün nişan alıb - 2:2.
oyunçuların qarşılıqlı kobudluğunun qarşısını heç cür ala bilməyən niderlandlı Allard Lindxautun hakimliyi bir çox sualalr doğurub.
"Qarabağ" üçüncü mərhələyə çıxıb və onun növbəti rəqibi Macarıstan çempionu "Ferentsvaroş" olacaq. İlk oyun avqustun 3-də Bakıda, ikincisi ayın 9-da rəqib meydançasında keçiriləcək.
"Qarabağ" üçüncü mərhələni də keçsə, pley-off-da "Ludoqorets" (Bolqarıstan) - "Dinamo" (Zaqreb, Xorvatiya), "Şerif" (Moldova) - "Viktoriya" (Çexiya) cütlərinin qalibləri və ya "Kopenhagen" (Danimarka) onun potensial rəqibi ola bilər. 06В
-
- Maliyyə
- 28 İyul 2022 13:01
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz