Osmanov Akif Aydın oğlu
Suriyada qanunsuz birləşmələrin tərkibində döyüşən azərbaycanlı həbs edilib
Bakı/20.05.22/Turan: Azərbaycan Dövlət Təhlükəsizliyi Xidməti ölkə vətəndaşı Akif Aydın oğlu Osmanovun (1977-ci ildə anadan olub) saxlanıldığını bildirib.
Dövlət Təhlükəsizliyi Xidmətinin məlumatında deyilir ki, daha öncə həmin şəxs Türkiyənin xüsusi xidmət orqanları tərəfindən saxlanılıb. Onun üzərində Özbəkistan vətəndaşı İlorjon İsanovun adına pasport olub, lakin sübut olmadığı üçün sərbəst buraxılıb.
Lakin sonrakı araşdırmalar göstərib ki, Osmanov Suriyanın Atma şəhərindəki hərbi düşərgədə təlim keçib və “Azəri Camaat” adlı qanunsuz birləşməsinin üzvü olub. Saxta Özbəkistan pasportu daşıyan Osmanov başqa ölkələrə də gedib.
Akif Osmanov Azərbaycan Cinayət Məcəlləsinin 12.1, 279.1-ci (qanunsuz silahlı birləşmələrin yaradılması, onların silah və hərbi texnika ilə təchiz edilməsi) maddələrilə cinayət məsuliyyətinə cəlb edilib.
Osmanov məhkəmənin qərarı ilə həbs edilib. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz