![Taleh Bağırzadə başqa koloniyaya köçürülməsini tələb edir](https://turan.az/resized/media/2022/main/120400054903-750-500-resize.webp)
Taleh Bağırzadə başqa koloniyaya köçürülməsini tələb edir
Bakı/04.12.22/Turan: Müsəlman Birliyi Hərəkatının lideri Taleh Bağırzadə həbsxanada aclıq aksiyasını davam etdirir və onun başqa koloniyaya köçürülməsini tələb edir. Bu barədə dekabrın 3-də 12 saylı koloniyada Bağırzadəyə baş çəkmiş vəkil Fəxrəddin Mehdiyev məlumat verib.
“Taleh Bağırzadə bildirib ki, 2014-cü ildə bu koloniyada cəza çəkəndə də rəis müavini ona problemlər yaradıb, onu “vətən xaini” adlandırıb. İndi də Qobustan həbsxanasından köçürüləndən sonra namusunu təhqir edib”, vəkil bildirib.
Bağırzadə növbəti təxribatların qarşısını almaq üçün başqa koloniyaya köçürülməsini tələb edir. Mehdiyev bildirib ki, T. Bağırzadə tələbi yerinə yetirilənə qədər həkimlərin köməyindən, telefon zənglərindən və vəkillərin ona müraciətindən imtina edir.
Eyni zamanda 9 gündür aclıq aksiyasını davam etdirən Bağırzadənin də vəziyyəti pisləşir. “Onun hərarəti, titrəməsi, şiddətli baş ağrıları var”, - Mehdiyev bildirib.
Bağırzadənin tələbinin nə dərəcədə əsaslı olduğu sualına vəkil müsbət cavab verib.
Qanunvericiliyə görə, məhkum cəzasını yaşayış yerinə ərazi baxımından ən yaxın koloniyada çəkməlidir. Taleh Bağırzadə Bakının Yasamal rayonunda qeydiyyatdadır. Lakin şəhər daxilində üç koloniya olduğu halda, o, 25-30 km aralıda yerləşən 12 saylı cəzaçəkmə müəssisəsinə göndərilib.
Bundan başqa, məhkumun başqa məhkumla və ya koloniyanın müdiriyyəti ilə münaqişəsi varsa, o da başqa yerə köçürülməlidir.
Müdafiə tərəfi hesab edir ki, Ombudsman və Qızıl Xaç bu məsələnin həllinə köməklik göstərə bilər və artıq bu strukturlara müraciətlər göndərilib.
* 2015-ci ildə Bağırzadə Nardaranda keçirilən xüsusi əməliyyat zamanı həbs edilib və terrorçuluq, konstitusiya quruluşunu dəyişdirməyə cəhd, qanunsuz silahlı birləşmə yaratmaq və s. ittihamlarla 20 il müddətinə azadlıqdan məhrum edilib. O, siyasi məhbus kimi tanınıb.-03B06. -
-
- Siyasət
- 4 Dekabr 2022 17:56
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz