Taleh Bağırzadənin tərəfdarı yoxa çıxıb
"Müsəlman Birliyi" hərəkatının lideri Taleh Bağırzadənin fəal tərəfdarı Əhsən Nuruzadənin doğmaları onun yoxa çıxdığını bildirir.
Nuruzadə yanvarın 24-də evdən çıxıb və indiyədək onun harada olduğu barədə məlumat yoxdur. Nuruzadənin ailə üzvləri bu barədə DİN-in "102 xidməti"nə məlumat veriblər, oradan Nərimanov rayon 18-ci polis şöbəsinə müraciət etməyi tövsiyə ediblər. Nuruzadənin həyat yoldaşı şöbədə ərinin yoxa çıxdığı barədə ərizə yazıb. Amma nəticə yoxdur. Ailə Nuruzadənin saxlanıldığını güman edir və fəalın taleyinin müəyyən edilməsi üçün vəkil Yalçın İmanovla müqavilə bağlayıb.
Yanvarın 26-da vəkil müvafiq qurumlara müraciət edib, amma nəticə əldə edə bilməyib.
Nuruzadə "Müsəlman Birliyi" hərəkatının və onun lideri Taleh Bağırzadənin fəal tərəfdarıdır. O, "Nardaran işi" üzrə məhkəmə iclaslarına gedirdi və hökmün oxunması ərəfəsində yoxa çıxıb.
Qeyd edək ki, yanvarın 24-də Bağırzadənin tərəfdarı Rövşən Məmmədli 30 gün müddətinə həbs olunub.
Daha bir dini fəal, Maştağa qəsəbəsinin sakini Təbriz Sibili 30 gün müddətinə həbs olunub.
Müşahidəçilər bu həbslərin hakimiyyətin "Nardaran işi" üzrə təqsirləndirilən şəxslərə hökm oxunacağı gün kütləvi etirazların təşkilinin qarşısını almaq məqsədilə Bağırzadənin ən fəal tərəfdarlarını təcrid etmək məqsədi ilə bağlı ola biləcəyini ehtimal edir.
Yanvarın 25-də məhkəmə Taleh Bağırzadəni və onun müavini Abbas Hüseynovu 20 il müddətinə azadlıqdan məhrum edib.
Təqsirləndirilən digər 16 şəxs 10 ildən 19 ilə qədər azadlıqdan məhrumetmə cəzaları alıb. -06D-
-
- Söz istəyirəm
- 27 Yanvar 2017 10:49
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz