Açiq mənbələrdən foto.
Bakı/26.09.20/Turan: Sentyabrın 25-də Nərimanov rayon məhkəməsində “Müsəlman Birliyi” Hərəkatının (MBH) üzvü Elvin Muradov barəsində hökm oxunub. Hakim Tural Ələkbərov onu CM-in 228.1-ci (qanunsuz narkotik dövriyyəsi) maddəsi ilə təqsirli bilərək, 2 il 3 ay müddətinə azadlıqdan məhrum edib. Muradov özünü təqsirli bilməyib. Bu barədə Turan-a onun yaxınları bildiriblər.
Muradov martın 13-də yoxa çıxıb və ayın 16-da yaxınlarına onun 228.1-ci maddə ilə həbs edildiyi və Kürdəxanı İstintaq Təcridxanasına yerləşdirildiyi barədə məlumat veriblər. Ailənin müqavilə bağladığı vəkil onunla görüşüb işin təfsilatını öyrənməyə çalışır.
MBH Rusiyada yaşayan Muradovun həbsini onun təşkilatın lideri Tale Bağırzadə və digər həbs edilən fəallar haqqında şeirləri və mahnıları ilə əlaqələndirirlər.
Muradov fevralın 5-də Moskvadan qayıtdıqdan sonra artıq qısa müddətlik saxlanılmışdı. O, DİN-in Mütəşəkkil Cinayətkarlığa qarşı Mübarizə Baş İdarəsinə aparılmışdı və axşam saatlarında sərbəst buraxılmışdı.--06B--
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz