Tbilisidə daşqından ziyan çəkənlər üçün bank hesabı açılıb

Gürcüstanın Bakıdakı səfirliyi Azərbaycan Beynəlxalq Bankında Azərbaycanın Tbilisidə təbii fəlakət nəticəsində ziyan çəkənlərə kömək etmək istəyən fiziki və hüquqi şəxsləri üçün hesab açıb.

Səfirliyin məlumatında xatırladılır ki, iyunun 14-nə keçən gecə baş vermiş daşqın nəticəsində 19 nəfər həlak olub, itkin düşənlər var.

Daşqın yaşayış evlərini tamamilə məhv edib, bir çox ailələr evsiz qalıb, şəhər infrastrukturuna ciddi ziyan dəyib.

Tbilisi zooparkı tamamilə məhv olub, parkın bir çox sakinləri həlak olub.

Səfirliyin məlumatında deyilir ki, Azərbaycanın sadə vətəndaşlarının, hökumət, qeyri-hökumət və biznes qurumlarının başsağlığı və zərərçəkmişlərə maddi yardım göstərilməsi təklifi ilə müraciətlərinin ardı-arası kəsilmir.

Bununla əlaqədar olaraq zərərçəkmişlər üçün vəsait toplamaq məqsədilə hesab açılıb:

Beneficiary Bank: The International Bank of Azerbaijan Republik,

“IBA-PREMIER”, CUSTOMER SERVICE

SWIFT: IBAZAZ2X

Nizami str., 67, Phone: (+99412) 493-00-91

Beneficiary: EMBASSY OF GEORGIA

IBAN N : AZ10IBAZ39020028409416149120  -0-