25 may tarixli Yol-nəqliyyat hadisəsi haqqında videodan fraqment
Bakı/02.06.21/Turan: Tibbi Ərazi Bölmələrini İdarəetmə Birliyi Aynur Əhmədovanın vəziyyətilə bağlı Turan agentliyinin sualına üçüncü gün cavab verib. Qeyd edək ki, mayın 25-də Kürdəxanı-Zabrat şossesində Əhmədovanın avtomobili Təbriz Gülalıyevin avtomobili ilə toqquşub.
TƏBİB Turan-ın müxbirinə bildirib ki, Əhmədova yol-nəqliyyat hadisəsindən sonra 3 saylı Şəhər Klinik Xəstəxanasına aparılıb və ona körpücük sümüyü sınığı diaqnozu qoyulub. Müayinə, müalicə edilib, sarğı qoyulub. Mayın 29-da sarğı yenilənib və fiksasiya edilib.
Bu cavabdan Əhmədovanın bütün bu müddətdə xəstəxanada olması məlum olmur.
Məsələ bundadır ki, mayın 29-dək Gülalıyevlər ailəsi və Turan İnformasiya Agentliyinin direktoru Mehman Əliyev Əhmədovun evdə müalicə olunduğu barədə məlumata malik olublar.
İndi isə Əhmədovun mayın 25-dən 29-dək harada olması məsələsi açıq qalır. TƏBİB aydınlıq gətirə bilməyib. Həmçinin agentlik Daxili İşlər Nazirliyi və 3 saylı şəhər xəstəxanasından mayın 25-də baş vermiş yol-nəqliyyat hadisəsilə bağlı Daxili İşlər Nazirliyinin məlumatında Əhmədovun ağır bədən xəsarəti almasının necə qeyd edildiyi barədə açıqlama gözləyir.
Daxili İşlər Nazirliyinin mayın 25-nə olan məlumatına görə, Gülalıyev orta ağırlıqda, Əhmədova isə ağır xəsarət alıb. Sonradan aydın olub ki, Əhmədova evdədir, Gülalıyev isə xəstəxanadadır və üzündə ağır əməliyyatın olacağını gözləyir.
Xatırladaq ki, mayın 25-də yol qəzasına düşmüş Təbriz Gülaliyev hüquq müdafiəçisi Oqtay Gülaliyevin oğludur. Oqtay Gülaliyev 2019-cu il oktyabrın 29-da maşın vurduqdan sonra həkimlərin günahı üzündən komaya düşüb və indiyədək faktiki iflic vəziyyətindədir. Həkimlərin işi 9 aydan çoxdur ki, prokurorluq tərəfindən araşdırılır.—0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz