Açiq mənbələrdən foto.
Bakı/02.06.21/Turan: İyunun 2-də Biləcəri qəsəbəsində yaşayan Məhəmmədəli Hacıyev özünü yandıraraq intihara cəhd edib.
Hacıyevin yaxınları Turan-a bildiriblər ki, o, I qrup əlildir və qəsəbədə açdığı kiçik bir köşkdə meyvə-tərəvəz satmaqla ailəsini dolandırırdı. Bu gün Rayon İcra Hakimiyyətinin nümayəndələri və polislər gələrək orada meyvə-tərəvəz sata bilməyəcəyini, obyekti qanunsuz işlətdiyini deyiblər. Nəticədə Məhəmmədəli üstünə benzin tökərək özünü yandırmaq istəyib. O 5 saylı Şəhər Klinik Xəstəxanasına aparılıb, vəziyyəti ağırdır.
Daxili İşlər Nazirliyindən Turan-a bildirilib ki, hadisə ilə bağlı araşdırma gedir və əlavə məlumat veriləcək.
Binəqədi Rayon İcra Hakimiyyətindən Turan-a bildirilib ki, özünü Birinci Qarabağ Müharibəsinin veteranı kimi təqdim edən Kəlbəcər rayon sakini, 1973-cü ildə anadan olan Məmmədəli Hacıyev iyunun 2-də Binəqədi rayonu Biləcəri qəsəbəsi, Ordubadi küçəsində qanunsuz küçə ticarəti ilə məşğul olmağa cəhd edib.
"Qanunsuz fəaliyyəti ilə əlaqədar xəbərdarlıq edildiyi zaman üzərinə neft tökərək intihara cəhd edib. Məlumat üçün bildiririk ki, bundan əvvəllər də bu şəxs Bakı şəhərinin bir çox rayonlarında özünü Birinci Qarabağ Müharibəsinin qazisi kimi təqdim etməklə dövlət mülkiyyətində olan torpaq sahələrini zəbt edərək yaşayış və qeyri-yaşayış obyektlərinin tikintilərinə nail olmaq məqsədilə bu tipli təxribatları törədib”, - məlumatda deyilir.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz