Açiq mənbələrdən foto.
Bakı/03.05.21/Turan: İcbari Tibbi Sığorta üzrə Dövlət Agentliyi Qərb ölkələrində “Astrazeneca” vaksininə mənfi reaksiya ilə əlaqədar bu vaksinin tətbiqinin məqsədəuyğunluğu ilə bağlı Turan agentliyinin informasiya sorğusunun suallarına, nəhayət, cavab verib.
"Formal olaraq münaqişə bitsə də, biz qarşıya qoyulan suallara cavab aldıq, lakin bu gün onlar öz aktuallığını itiriblər. Lakin "AstraZeneka" mövzusu gündəlikdə olduğu zaman ictimai maraq təmin edilməmişdi ", - agentliyin direktoru Mehman Əliyev bildirib.
Dövlət Agentliyinin nümayəndəsi Turan-a zəng edərək bildirib ki, cavabın vaxtında verilməməsi texniki səbəblərlə bağlı olub və qurum mətbuatla işgüzar münasibətləri saxlamağa çalışır.
"Bəzi səbəblərdən Tibbi Ərazi Bölmələrini İdarəetmə Birliyinin saytının hazırlanması ilə bağlı gecikmə baş verib, lakin məsələ həll olunma mərhələsindədir", - İcbari Tibbi Sığorta üzrə Dövlət Agentliyinin nümayəndəsi bildirib.
Tələb olunan informasiyanın təqdimat olunmasını nəzərə alaraq Turan informasiya sorğusuna cavab verilməməsilə əlaqədar məhkəmə iddiasından imtina etmək qərarına gəlib.
Agentliyin sorğusuna cavabların məzmununa gəldikdə isə onlar aşağıdakılardır:
Sual 1) "Aztrazeneca" vaksininin tədarükü haqqında saziş nə vaxt, kim tərəfindən və kiminlə imzalanıb?
Cavab: Azərbaycan Respublikasında koronavirus pandemiyasının qarşısının alınması məqsədilə əhalinin peyvəndlənməsi üçün ölkəyə "AztraZeneca" vaksinləri COVAX platforması vasitəsilə idxal edilir. Azərbaycan Respublikası COVAX platformasına ötən ilin sentyabr ayında qoşulub.
Sual 2) Sazişə əsasən tədarük ediləcək "Aztrazeneca" vaksininin miqdarı və məbləği nə qədərdir?
Həmçinin COVAX platforması vasitəsilə Azərbaycana 218 790 doza "Pfizer-BioNTech" vaksinlərinin də ayrılması nəzərdə tutulub.
Sual 3) Dünyanın bir sıra ölkələrində vaksinin tətbiqinin dayandırılması ilə əlaqədar "Aztrazeneca" vaksininin tədarükü haqqında sazişin icrası dayandırılacaq, ya davam etdiriləcək?
Cavab: Ümumdünya Səhiyyə Təşkilatının 8 aprel tarixində ictimaiyyətə verdiyi açıqlamaya görə, hazırda ÜST "AstraZeneca" vaksininin üstünlüklərinin onun risklərindən çox olduğunu və vaksinasiyanın davam etdirilməsini tövsiyə edir.-0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz