Məhkəmə Eldar Həsənovun həbs müddətini daha üç ay uzadıb

Bakı/03.05.21/Turan:  Mayın 3-də Binəqədi Rayon Məhkəməsi Azərbaycanın Serbiyadakı keçmiş səfiri və ölkənin keçmiş baş prokuroru Eldar Həsənovun həbs müddətini daha 3 ay uzadıb. Bu barədə Turan-a vəkil Cavad Cavadov bildirib.

Onun sözlərinə görə, Həsənov sağlamlıq durumu ilə bağlı iclasda iştirakdan imtina edib.

Məhkəmənin qərarından artıq apellyasiya şikayəti verilib, vəkil əlavə edib.

Ötən həftə Avropa İnsan Hüquqları Məhkəməsi Həsənovun sağlamlıq vəziyyəti və ona tibbi yardım göstərilməsi üzrə tədbirlərlə bağlı təşkilatın reqlamentinin 39-cu qaydasına uyğun olaraq məlumat istəyib.

Müdafiə tərəfi Həsənovun müayinə və müalicə üçün mülki klinikaya köçürülməsinə israr edir.

Aprelin 16-da ölkə rəhbərliyinə müraciətdə vəkillər qeyd ediblər ki, Eldar Həsənov onurğasında ağır ağrı hiss edir və faktiki olaraq iflicqabağı vəziyyətdədir. "Şəkərli diabetin kəskin forması fonunda ürək ağrıları güclənir. Əgər yaxın vaxtlarda ixtisaslı tibbi müdaxilə olmasa, onun həyatına ciddi təhlükə yaranacaq", -müraciətdə qeyd olunub.

*Xatırladaq ki, Azərbaycanın Serbiyada və Bosniya Herseqovinada səfiri olmuş Eldar Həsənov 2020-ci il avqustun 13-də Dövlət Təhlükəsizliy Xidməti  tərəfindən saxlanılıb. Avqustun 14-də Bakının SəbayeRayon Məhkəməsi onun  barəsində həbs qətimkan tədbiri seçib. O,

Cinayət Məcəlləsinin 308.2 (vəzifə səlahiyyətlərindən  sui-istifadə etmə) və 308-1.1-ci (büdcə vəsaitlərindən təyinatı üzrə istifadə etməmə) maddələri ilə ittiham olunub.

90-cı illərdə ambisiyalı Eldar Həsənov ölkənin baş prokuroru vəzifəsində çalışıb və heç bir aydın səbəb olmadan işdən çıxarılıb. Daha sonra hökumət dairələri belə bir fikir yaymağa başlayıblar ki, Həsənov hakimiyyət iddiasında olub və müəyyən dairələr tərəfindən Heydər Əliyevin mümkün davamçısı kimi dəyərləndirilib.

Daha sonra Eldar Həsənovun diplomatik işə keçirilməsindən sonra onun siyasi ambisiyaları haqqında şayiələr yayılıb. -06D--06D-