- Çətin sual
- 3 May 2021, 17:43
- 117
Aynur Elgünəş: “Bu, ölkə mediasında problem yaşanmasının göstəricisidir”
Bakı/03.05.21/Turan: “Sərhədsiz Reportyorlar” Təşkilatının 2020-ci il media azadlığı indeksi üzrə görə Azərbaycanın 167-ci yerdə qərar tutması Azərbaycanda media azadlığının hansı vəziyyətdə olmasını göstərir. Bunu müstəqil jurnalist Aynur Elgünəş 1993-cü il mayın 3-dən qeyd olunan Ümümdünya Mətbuat Azadlığı günü münasibətilə “Turan”ın “Çətin Sual” proqramı”nın buraxılışında bildirib.
Müstəqil medianın problemlərinə gəlincə, Elgünəş deyir ki, Azərbaycanda müstəqil media rəsmi akkreditasiyadan rəsmi görüşlərdə iştiraka qədər problemlər yaşayır.
Elgünəş bildirir ki, əslinə qalarsa Azərbaycanda medianın hansı durumda olmasının ən yaxşı göstəricisi elə media azadlığı ilə bağlı tutduğu yerdir.
Media azadlığı indeksi üzrə Gürcüstanın 60-cı, Ermənistanın 63-cü, Azərbaycanın 167-ci yerdə qərar tutması məsələsində qərəzin olub- olmaması ilə bağlı Elgünəş deyir ki, burada qərəz yoxdur: “Əgər 10-15 pillə fərq olsa idi, yenə də qərəz barədə nəyisə düşünmək olardı. Amma fikrincə, 100 pillə fərq olduğu yerdə qərəzdən söhbət getmir. Məsələn, media müstəqilliyinə görə, Gürcüstan Azərbaycandan da, Ermənistandan da irəlidədir. Odur ki, qərəzdən danışmaq yersizdir. Çünki Gürcüstanda medianın azadlığı var”, - Elgünəş bildirib.
Elgünəş hesab edir ki, bu, Azərbaycan müstəqil mediasında hansısa problemin yaşandığını göstərir.
Jurnalist deyir ki, rəsmilərin müstəqil jurnasitlərin suallarını cavablandırmaması, bu kateqoriya jurnalistlərin rəsmi tədbirlərə buraxılmaması və sair kimi problemlər yaşanır. “Əslinə qalarsa Azərbaycanda elə ən çox təzyiq məhz müstəqil mediaya olunur”, - jurnalist deyib.
Onun sözlərinə deməsinə, hakimyyətə yaxın media isə tədbirlərdə öz istədiyi yox, tədbirin iştirakçısı olan qurumun və ya qurumların nəzərdə tutduqları sualları cavablandırırlar. Odur ki, bunu jurnalistika adlandırmaq olmaz.
Jurnalist hətta medianın idarə edilməsilə bağlı yaranan yeni Agentliyin faliyyətinin belə səmərəli olmadığını göstərir: “İndi nəyi müzakirə edirlər? Ümumi vəsiqə məsələsini. Məncə, vahid vəsiqə məsələsi, bu Agentliyin problemi deyil. Bu təşkilatla jurnalist arasında olan texniki məsələdir. Elə bu fakt göstərir ki, Agentlik indidən, başdan işi düz qurmayıb. Jurnalist təşkilatı hərbi və ya yarımhərbi qurum deyil ki, vahid vəsiqə verilməsi nəzərdə tutulsun. Vahid vəsiqə Agentliyin problemi deyil”, - Elgünəş bildirib.-05B-
Çətin sual
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Mayın 3-də ABŞ-ın Azərbaycandakı səfiri Mark Libbi bir qrup jurnalistlə görüşüb və onların suallarını cavablayıb. Azərbaycanda jurnalistlərin və vətəndaş fəallarının həbsi ilə bağlı suala cavab verən səfir deyib ki, ABŞ Dövlət Katibi Blinken insan hüquqları və saxlanmalar məsələsilə bağlı Prezident Əliyevə zəng edib. "Ancaq nə baş verdiyini Azərbaycan hakimiyyətindən siz soruşmalısınız", - səfir qeyd edib. Azərbaycanın beynəlxalq öhdəlikləri var və ABŞ bu kimi məsələləri bundan sonra da qaldıracaq, müstəqil KİV-i dəstəkləməyə davam edəcək, o deyib.
-
2023-cü ilin noyabrından bu yana media və vətəndaş cəmiyyətinə qarşı cinayət işləri çərçivəsində 20-yə yaxın jurnalist və vətəndaş cəmiyyəti fəalı həbs olunub. Onların arasında korrupsiya araşdırmalarıyla tanınan “AbzasMedia” saytının rəhbəri Ülvi Həsənli, baş redaktoru Sevinc Vaqifqızı (Abbasova), jurnalistlər Hafiz Babalı, Elnarə Qasımova, Nərgiz Absalamova, “Toplum TV” internet televiziyasının təsisçisi, media hüququ üzrə ekspert Ələsgər Məmmədli, kanalın video redaktoru Müşfiq Cabbar, “Kanal 13” internet televiziyasının rəhbəri Əziz Orucov və kanalın əməkdaşı Şamo Eminov, “Meclis.info” saytının rəhbəri İmran Əliyev və başqaları var.
-
Azərbaycanda son zamanlar Qərbə qarşı kəskin tənqid ritorikasının azalması müşahidə olunur. Qarşı tərəfdən də müsbət siqnallar gəlir.
Rəy yaz