![Açiq mənbələrdən foto.](https://turan.az/resized/750/500/resize/media/2021/main/040500030824.jpg)
Açiq mənbələrdən foto.
Təhsil naziri: “Bütün təhsil işçiləri vaksinasiya olunacaq”
Bakı/05.04.21/Turan: COVİD-19-a gündəlik yoluxanların 4-6 faizi müəllimlərdir. Bu barədə təhsil naziri Emin Əmrullayev Facebook-da "Pandemiya dövründə tədrisin təşkili" adlı canlı yayımda bildirib.
Onun sözlərinə görə, ötən ayın son 3 günü ərzində 61 məktəb distant təhsilə keçmək məcburiyyətində qalıb. Onlardan 24-ü Bakı şəhərinin payına düşüb. Nazir bildirib ki, təxminən 100-ə qədər məktəb personalı gündəlik olaraq koronavirusa yoluxur.
"Bunun da 80 faizi Bakı, Sumqayıt, Şəki, Gəncə və Abşeronun payına düşür. Bu isə artıq hər gün 10-15 məktəbin bağlanması demək idi. Yəni, onsuz da qarşıdakı günlərdə çoxlu sayda məktəb distant təhsilə keçməli idi", - o deyib.
Emin Əmrullayev qeyd edib ki, tədrisin distant formasına keçirilməsinin digər səbəbi məktəblərdə davamiyyətlə bağlıdır: "29 martda Bakıda 80 faiz uşaq məktəbə gəlirdisə, sonrakı 2-3 gün ərzində bu rəqəmin 64-65 faizə düşməsini gördük".
Nazir yoluxma sayı azalan anda dərhal ənənəvi təhsilə keçməyin tərəfdarıdır: "Məktəblərin sonrakı fəaliyyəti ilə bağlı gələn həftənin ortalarında dəqiq proqnoz vermək mümkün olacaq".
Əmrullayev müəllimlərin vaksinasiya məsələsinə də toxunub. "Hazırda 50 yaşdan yuxarı müəllimlər arasında Bakıda 54, Sumqayıt 69, Abşeronda 60, digər bölgələrdə 50 faiz müəllim və texniki heyət vaksinasiya olunub. Fevralın sonundan müəllimlərin kütləvi vaksinasiyasının nəticəsini aprelin sonunda, may ayında görəcəyik. Proses sürətlə davam edir. Növbəti həftədən bütün təhsil işçiləri yaşından asılı olmayaraq vaksinasiya olunacaq. Vaksinlərdən qorxmaq lazım deyil. Xüsusilə də müəllimlərin vaksinasiyası çox vacibdir", - o qeyd edib.-0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz