Dövlət Pedaqoji Universitetində semestr imtahanlarının test, yoxsa yazılı üslubda verilməsi ilə bağlı tələbələrlə universitet rəhbərliyi arasında münasibət gərgin olaraq qalır. Bu xəbər Turan-a məlumatlı mənbədən daxil olub.
Mənbənin məlumatına görə, semestr imtahanlarının test üsulu ilə deyil, yazılı verilməsinə etiraz olaraq oktyabrın 21-də aksiya keçirən tələbələr oktyabrın 23-də universitetin akt zalına dəvət ediliblər.
Tələbələrin nəzərinə rektor Yusif Məmmədovun onların qarşısında çıxış edəcəyi, hansı qərarı verəcəksə, imtahanların da həmin üsulda keçiriləcəyi xatırladılıb. Tələbələrə rektorun qərarına hər-hansı etiraz etməyi belə düşünməmələri xəbərdarlığı edilib.
Universitetin yığıncaq keçirilən akt zalına polis qüvvələri gətirilib. Mənbənin məlumatına görə, polisləri zala doldurmaqda məqsəd tələbələrin mümkün etirazının qarşısını almaq, fəallıq göstərən tələbləri müəyyən edərək gözlərini qorxutmaqdır.
Tələbələr tələbləri yerinə yetirlmədiyi, yəni, imtahanlar test üsulu ilə qəbul edilmədiyi halda oktyabrın 24-ü saat 13:30-da növbəti etiraz aksiyası keçirəcəklərini bəyan ediblər. Tələbələr digər universitetlərin tələbələrinə müraciət edərək, bu haqlı tələblərinə dəstək vermələrini xahiş ediblər. -05B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz