Bakı/21.11.19/Turan: Bu gün BDU-nun yataqxanasında üç tələbə qızın zəhərlənməsilə əlaqədar polis, prokurorluq, Qida Təhlükəsizliyi Agentliyinin əməkdaşları və məhkəmə-tibb ekspertləri hadisə yerinə baxış keçiriblər, laborator müayinə üçün qida nümunələri götürüblər. Bu barədə Baş Prokurorluğun məlumatında bildirilir. Qeyd olunur ki, ölən qız Şəkər Xasmətovadır (1999-cu ildə anadan olub). Həmidə İbadova və Dilrüba Quliyeva (1998-ci ildə anadan olublar) Kliniki Tibbi Mərkəzə yerləşdiriliblər. Fakt üzrə Bakı Şəhər Prokurorluğunda CM-in 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanıb.
Zəhərlənmənin səbəblərinin və digər halların müəyyənləşdirilməsi məqsədilə müvafiq ekspertizalar təyin edilib. Qida Təhlükəsizliyi Agentliyinin mütəxəsisləri cəlb edilməklə təqsirkar şəxslərin dairəsinin müəyyənləşdirilməsi istiqamətində zəruri istintaq-əməliyyat tədbirləri davam etdirilir.
Öz növbəsində BDU-nun prorektoru Əliş Ağamirzəyev Turan-a bildirib ki, ilkin məlumatlara görə, zəhərlənməyə konserv səbəb ola bilər.
Onun sözlərinə görə, qızlar gecə özlərini pis hiss ediblər. Təcili yardım çağırılıb, həkimlər yardım ediblər, iynə vurublar. “Onlara xəstəxanaya getmək təklif olunub, ancaq qızlar yaxşı olduqlarını deyərək bundan imtina ediblər. Lakin səhər yenidən özlərini pis hiss ediblər”, - Ə.Ağamirzəyev bildirib. –06D--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz