Tərtər rayonunun Əskipara kəndində mərmi partlaması nəticəsində 8 yaşlı Elvin Hüseynli xəsarət alıb. O, Tərtər rayon xəstəxanasına yerləşdirilib. Hadisə həyətdə təmizlik işləri aparan uşaq çöldə toplanmış tullantılara kibritlə od vurarkən baş verib.
Eyni zamanda Ərazilərin Minalardan Təmizlənməsi üzrə Milli Agentlik iyunun 15-də yeni hesabat açıqlayıb.
Hesabatda bildirilir ki, Tərtər rayonunun Cəmilli kəndində 1 əkin və 7 partlayış yerinə baxış keçirilib. Bir 9M22U raketinin mühərrik hissəsi aşkarlanıb.
Şıxarx kəndində isə 2 ev və həyətyanı sahəyə, 5 partlayış yerinə baxış keçirilib. Bir 100 mm.-lik OF-412 top mərmisi aşkar edilib.
Agentlik qeyd edir, Füzuli rayonunun Horadiz şəhərində də 1 əkin sahəsində 3 partlayış yerinə baxış keçirilib. Bir 152 mm.-lik top mərmisi tapılıb və zəruri təhlükəsizlik tədbirləri görülüb. Aşkar olunmuş sursat partlayış yolu ilə bu gün zərərsizləşdirilməlidir.
Agentlik bildirir ki, aprelin 7-dən iyunun 15-ə kimi ümumilikdə 1531 partlamamış hərbi sursat, 14 piyada əleyhinə mina (PMN), 3 piyada əleyhinə POMZ-2 və 7 tank əleyhinə mina aşkar olunaraq zərərsizləşdirilib.-16d-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz