Bakı / 18.11.19 / Turan: Demokratik Qüvvələrin Milli Şurasının və Müsavat Partiyasının üzvü Tofiq Yaqublu 30 gün inzibati həbs cəzasından sonra noyabrın 18-də azadlığa çıxıb.
“Təcridxanada saxlanma qaydaları sərt və amansızdır. Hətta ağır cinayətlərdə ittiham olunanları da belə saxlamırlar. Bunları dəyişmək lazımdır, çünki insan hüquqlarına ziddir”, - T.Yaqublu deyib.
O, saxlandıqdan dərhal sonra polisdə işgəncələrə məruz qaldığını təsdiqləyib. “Nəsimi Rayon Polis İdarəsində mənə işgəncə verdilər. Bu işgəncələnin izləri hələ də qalır. Həkimə müraciət edəcəm. Biz işgəncələrdən ağlaşma qurmaq üçün danışmırıq, hakimiyyətin hərəkətlərini ifşa etməkdən ötrü danışırıq”, - o deyib.
T.Yaqublu oktyabrın 19-da Milli Şuranın Bakının mərkəzində keçirdiyi icazəsiz mitinq zamanı saxlanılmışdı.–21B-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz