Açiq mənbələrdən foto.
Bakı/27.05.23/Turan: Mayın 27-də səhər Tovuz rayonunun Ermənistanla həmsərhəd Əlibəyli kəndinin sakini Abdulla Ələsgərov minaya düşərək xəsarət alıb. Bu barədə Azərbaycan Baş Prokurorluğu bildirib. Faktla bağlı Tovuz prokurorluğunda araşdırma aparılır.
Yerli mənbələrin məlumatına görə, yaşlı kişi mina təhlükəsi səbəbindən sakinlərin girişinə qadağa qoyulan ərazidə mal-qara otararkən xəsarət alıb.
Abdulla Ələsgərov ayağından yaralanıb. O, xəstəxanaya yerləşdirilib, vəziyyəti orta ağır qiymətləndirilir. 06B
Cəmiyyət
-
BMT-nin 11-22 noyabrda Bakıda keçiriləcək iqlim konfransı (COP29) ərəfəsində Bakıya Çin istehsalı olan elektrik mühərrikli 160 avtobus gətirilib. Rəsmi məlumata görə, onlar üçün bütün lazımi cihaz və avadanlıqları olan avtobus parkı da yaradılıb. Noyabrın 2-də prezident İlham Əliyev həmin avtobus parkına baxış da keçirib.
-
2-3 noyabr tarixlərində Azərbaycan-İran sərhədində "Göytəpə" sərhəd dəstəsinin xidməti ərazisində ümumi çəkisi 16 kiloqram 220 qram narkotik vasitənin - marixuana, həşiş və heroinin qaçaqmalçılıq yolu ilə İrandan Azərbaycana keçirilməsinin qarşısı alınıb.
-
Çərşənbə axşamı günün ikinci yarısında paytaxtda yağış yağacağı gözlənilir. Cənub-şərq küləyi günün ikinci yarısında güclü şimal-qərb küləyi ilə əvəz olunacaq.
-
Azərbaycanın Dövlət Yol Polisi İdarəsi, ölkənin COP29 sammitinə ev sahibliyi etməyə hazırlaşdığı bir vaxtda, yol hərəkətinin sıxlığının azaldılması üçün ictimaiyyətdən əməkdaşlıq etməyə çağırış edib. Noyabrın ilk ongünlüyündən başlayaraq, paytaxt qlobal konfransa qatılacaq beynəlxalq nümayəndə və rəsmiləri qarşılayacaq.
Rəy yaz