23 avqust hər il Beynəlxalq İnsan Alveri Qurbanlarını Anma Günü kimi qeyd edilir. Azərbaycanda bu gün 2010-cu ildən qeyd edilir.
“Təmiz Dünya” QHT-nin sədri Mehriban Zeynalova bildirib ki, bu il onun rəhbərlik etdiyi qurumun xətti ilə 49 traffikinq qurbanına yardım göstərilib. “Bu, həm köhnə, həm də yeni qurbanlardır. Onlardan 42 nəfəri işə düzəldilib, psixoloji və hüquqi yardım göstərilib.
Onlar arasında məcburi istismara məruz qoyulmuş iki kişi var. 2011-ci ildə cəmiyyətin xətti ilə 34 traffikinq qurbanı şelterə yerləşdirilib. Qurumumuz əsasən qurbanların cəmiyyətə reinteqrasiyası ilə məşğul olur”, deyə Mehriban Zeynalova bildirib.
Onun sözlərinə görə, bu il traffikinq qurbanları ilə bağlı 8 məhkəmə prosesi keçirilib. 5 qurban barəsində mənəvi ziyanın ödənilməsi qərarı qəbul edilib.
DİN-in insan alverinə qarşı mübarizə idarəsinin xətti ilə 2012-ci ildə 34 traffikinq qurbanı müəyyən edilib, onlardan 28 nəfəri qadınlar, digərləri kişilərdir.
DİN-in qurbanlara yardım göstərən öz şelteri var. Hər qurbana 200 manat birdəfəlik yardım verilir. Lakin bu aydan etibarən Nazirlər Kabinetinin qərarı ilə birdəfəlik yardım 400 manata qədər artacaq.
Traffikinq qurbanlarının ixracına gəlincə, əvvəlki kimi birinci yerdə Türkiyə, daha sonra Dubay, üçüncü yerdə Rusiya, dördüncü yerdə isə İran gəlir.
Tez-tez traffikinq qurbanları iqtisadi səbəblərdən olur. Mehriban Zeynalovanın sözlərinə görə, insanlar sadəcə pul qazanmaq istəyir, təklif olunan işin cinsi istismar olduğunu bilmirlər.
Qeyd edək ki, bir sıra beynəlxalq hüquq-müdafiə təşkilatları hesab edir ki, Azərbaycanda kriminal insan alveri biznesinə dövlət məmurları və hüquq-mühafizə orqanları cəlb edilib. Məhz bu səbəbdən bu cinayət növü çiçəklənməyə davam edir. Belə ki, ABŞ Dövlət Departamentinin hesabatında qeyd edilir ki, traffikinq cinayətinə görə dövlət məmurları cinayətə cəlb edilməsə, bu cinayət növünün qarşısını almaq olmayacaq.
Yerli hüquq-mühafizə orqanları DİN-i bir neçə dəfə fahişəliyə və əxlaqsızlıq yuvalarına “hamilik etməkdə”, fahişələrdən polis casusları və sonradan müştərilərin şantaj edilməsi və nüfuzdan salınması üçün canlı tələ kimi istifadə etməkdə ittiham ediblər. -05В-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz