Tural Sadıqlı
Tural Sadıqlının əmisi də polisə aparılıb
Bakı/20.02.18/Turan: Almaniyada mühacir olan Tural Sadıqlının Ağdamda yaşayan əmisi Zahir Sadıqov polisə aparılıb. Bu barədə T.Sadıqlının atası Əlövsət Sadıqlı bildirib.
Onun sözlərinə görə, fevralın 20-də səhər tezdən Zahir Sadıqovun Ağdam rayonunun Əhmədağalı kəndindəki evinə polis sahə müvəkkili, bir post patrul əməkdaşı və bir DYP əməkdaşı gəlib: "Onlar rayon polis şöbəsində rəis müavininin onu çağırdığını bildiriblər. Əsl səbəbini bilmədiklərini deyiblər. Lakin əlavə ediblər ki, ya Bakı məsələsidir, ya da maşınınla bağlı məsələdir. Bu barədə imkan tapıb özü şəxsən mənə zəng edib məlumat verdi".
Ə.Sadıqlı deyib ki, qardaşının narkotik maddə, silah, nə də hansısa qanunsuz əməli yoxdur, kriminala meylli deyil və İnternetdən də istifadə etmir, eyni zamanda da Tural Sadıqlının siyasi fəaliyyəti və çıxışları barədə məlumatlı deyil.
Ə.Sadıqlı deyib ki, qardaşını Ağdam rayon polis şöbəsinə aparıblar, səhər saatlarından saat 16:00-ya qədər saxlayıblar və sonra sərbəst buraxıblar.
Ə.Sadıqlının açıqlamasına Daxili İşlər Nazirliyinin münasibətini öyrənmək mümkün olmayıb.
Xatırladaq ki, T.Sadıqlının atası Ə.Sadıqlının özünü fevralın 18-də Bakının Sabunçu rayon 12 saylı polis bölməsinə aparıblar, fevralın 19-da saat 11:00-12:00 arası sərbəst buraxıblar.
Ə.Sadıqlının bildirdiyinə görə, polis bölməsində aparılan söhbətlərdə T.Sadıqlının yazılarını, Avropada keçirilən aksiyalardakı fotolarını göstərərək bunu dövlətə qarşı çıxmaq kimi dəyərləndiriblər. Ə.Sadıqlı oğluna qar şı bu ittihamları rədd etdiyini bildirib. T.Sadıqlı son 3-4 ildir ki, Almaniyada siyasi mühacirətdədir.
Azərbaycan haikmiyyətini tənqid edən blogerlərdən biridir, Azərbaycanda isə hakimiyyəti tənqid edən blogerlərin ailələrinə və yaxınlarına təzyiq göstərilir.-05B-
-
- Siyasət
- 20 Fevral 2018 18:16
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz