Bakı/02.08.17/Turan: Turan İnformasiya Agentliyi "Azərsu" ASC-yə qarşı üçüncü iddianı qaldırıb. Səbəb qurumun informasiya sorğusuna cavab verməkdən imtina etməsidir.
Sorğu "Azərsu" rəhbərinə hələ 2016-cı il iyulun 27-də göndərilib. Bu, içməli su qıtlığının yarandığı Buzovna qəsəbəsində "Azərsu" Dövlət Şirkətinin bir sıra yüksək vəzifəli şəxslər üçün xüsusi su kəməri çəkməsi barədə materialın hazırlanması ilə əlaqədar olub.
Agentlik "özbaşına su kəməri"nin sifarişçilərinin adlarını bilir, ancaq "Azərsu"dan bu adların rəsmən açıqlanmasını tələb edir. Onlardan biri Dövlət Komitəsinin rəhbəri, digəri Bakı rayonlarından birinin icra başçısıdır.
Agentlik bununla bağlı iki məqalə yazaraq tikintinin dayandırılmasına nail olub. Agentliyin direktoru informasiya sorğusuna qanunla müəyyən edilmiş qaydada cavab almaq (İnformasiya azadlığı haqqında qanun, Korrupsiyaya qarşı mübarizə haqqında qanun, İnzibati Xətalar Məcəlləsi, İnzibati-Prosessual Məcəllə) üçün 2016-cı il oktyabrın 11-də 1 saylı İnzibati-İqtisad Məhkəməsinə müraciət edib.
Agentliyin təkidilə fevralın 22-də məhkəmə prosesi başlayıb. Üç məhkəmə iclası keçirilib. Hakimlər Tahirə Əsədova və Müseyib Bayramov guya düzgün tərtib edilmədiyinə görə məhkəmə iddiasını təmin etməyiblər.
"Biz məmurların və hakimlərin mane olmasına baxmayaraq, informasiya sorğusuna cavab almağa nail olacağıq", - Turan İnfiormasiya Agentliyinin direktoru Mehman Əliyev bildirib. O, işə məhkəmədə baxıldığını əsas gətirərək özünü kənara çəkən ombudsmanın hərəkətindən narazı qaldığını qeyd edib.-0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz