Bu gün Bakı Apellyasiya Məhkəməsi islamın nurçuluq cərəyanının üç ardıcılını həbsdən azad edib, ikisinin cəza müddətini iki dəfə - 2,5 ilədək azaldıb. Bu barədə Turan-a vəkil Əsabəli Mustafayev bildirib.
Xatırladaq ki, 2015-ci il oktyabrın 7-də bir qrup nurçunun barəsində hökm çıxarılıb. Onlar 2014-cü ilin aprelində həbs olunublar.
Onlar CM-in 167-2.2.1 (müvafiq icazə olmadan dini məzmunlu ədəbiyyatın yayılması), 168.1-ci (dini mərasimlərin həyata keçirilməsi adı altında vətəndaşların hüquqlarına qəsd) maddələri ilə təqsirli biliniblər.
Məhkəmə İsmayıl və Zəkəriyyə Məmmədov qardaşlarını, Eldəniz Hacıyevi 5 il azadlıqdan məhrum edib. Şahin Hacıyev 3,5 il, Rəvan Səbzəliyev 1,5 il müddətinə (o, ancaq 168.2 maddə üzrə ittiham olunub) həbs cəzası alıb.
Bu gün BAM İ.Məmmədovun və E.Hacıyevin cəza müddətini 2,5 ilədək azaldıb.
R.Səbzəliyevin cəza müddəti 1 ilədək azaldılıb və bu müddəti çəkdiyinə görə məhkəmə zalından buraxılıb.
Məhkəmə Ş.Həsənovun və Z.Məmmədovun barəsində CM-in 70-ci maddəsini (həbs cəzasının şərti cəza ilə əvəzlənməsi) tətbiq edib. Onlar da məhkəmə zalından buraxılıb.
Vəkil Ə.Mustafayev bildirib ki, müdafiə tərəfi sözügedən şəxslərə tam bəraət verilməsinə israr edir və onların hər birinin barəsində hökmdən kassasiya şikayəti verəcək.-06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz