ÜST antibiotiklərə aludə olmamağa çağırır

Bu gün Ümumdünya Səhiyyə Təşkilatı (ÜST) antibiotiklərdən istifadə zamanı ehtiyatlı olmağa çağırıb.

Antibiotiklər bakteriyanı məhv edir, lakin virusa heç bir təsir göstərmir. Kəskin respirator xəstəlikləri ilə bağlı 10 haldan 9-nu, qrip ilə bağlı 10 haldan 10-nu məhz viruslar törədir. Antibiotiklərin səmərəsiz tətbiqi 

onların həqiqətən lazım olduqları infeksiyalarda yardım göstərmək qabiliyyətini zəiflədir, çünki bakteriyada həmin preparata qarşı davamlılıq inkişaf edir. ÜST 2012-ci ildə antibiotiklərlə bağlı Avropa Bilik Gününün olduğunu qeyd edərək antibiotikləri yalnız həkimin təyinatı ilə və onun tövsiyələrinə ciddi əməl olunmaqla qəbul etməyə çağırır.

Antibiotiklərin dozadan artıq və qeyri-rasional istifadəsinin mənfi nəticələri barədə məlumatlılıq qlobal səviyyədən yüksəkdir, lakin antibiotiklərin üzərində nəzarətin zəif olduğu və onları reseptsiz əldə etməyin mümkün olduğu ölkələrdə, yəni, ÜST Avropa regionunun şərq hissəsi ölkələrinin üçündən ikisində olduqca aşağıdır. ÜST-in apardığı qlobal sorğunun nəticələrinə görə, antibiotiklər də daxil olmaqla, bütün dərman preparatlarının yarıdan çoxu lazımi qaydada təyin edilmir, verilmir və ya satılmır. Hər ikinci pasient dərmanı düzgün qəbul etmir. Bütün bunlar antibiotiklərə qarşı davamlılığın artmasına gətirib çıxarır və ardıcıl olaraq effektiv antibiotiklərin sayını azaldır. Digər həyəcan doğuran fakt odur ki, son 25 ildə alimlərin səylərinə baxmayaraq, antibiotiklərin yeni sinfi kəşf edilməyib.  -02D-