Ötən gün vəkil Anar Qasımlı MTN-in təcridxanasında saxlanılan jurnalist Pərviz Həşimliyə baş çəkib. O, qaçaqmalçılıqda və qanunsuz silah saxlamaqda ittiham olunur.
Vəkil Turan-a bildirib ki, jurnalist saxlanma şəraitindən şikayətlənməyib və deyib ki, işgəncələrə və digər təzyiq formalarına məruz qalmayıb.
Yalnız saxlanılan zaman zorakılıq tətbiq edilib, o yıxılıb və dizi zədələnib.
P.Həşimli ondan AXCP lideri Əli Kərimlinin əleyhinə ifadə verməsinin tələb olunması barədə məlumatları təkzib edib.
Eyni zamanda P.Həşimli ona qarşı irəli sürülən ittihamları rədd edir.
Xatırladaq ki, P.Həşimli “Bizim yol” qəzetinin parlament müxbiri, moderator.az saytının rəhbəri, Siyasi və Mülki Hüquqları Müdafiə Mərkəzinin rəhbəri, həmçinin AXCP Ali Məclisinin üzvüdür.
Günahı sübuta yetirilərsə onu 8 ilədək həbs cəzası gözləyir. —06D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz