Eldar Mahmudov
Bakı/02.03.22/Turan: Azərbaycanın keçmiş milli təhlükəsizlik naziri Eldar Mahmudov vəfat edib, bu barədə Vəkillər Kollegiyasına yaxın olan e-huquq.az saytı məlumat yayıb.
Mənbənin məlumatına görə, Mahmudov ötən gecə ürək çatışmazlığından dünyasını dəyişib.
Amma Mahmudovun vəkili Cavid Rzazadə Turan-a bildirib ki, "Mahmudovun ölüm xəbərləri həqiqətə uyğun deyil".
Mahmudov 1956-cı ildə dünyaya gəlib. 1980-2004-cü illərdə DİN orqanlarında xidmət edib.
1993-2003-cü illərdə iqtisadi cinayətlərə qarşı mübarizə idarəsinə rəhbərlik edib.
2004-cü ildə Mahmudov MTN başçısı təyin edilib və keçmiş polis əməkdaşlarını xüsusi xidmətlərin rəhbər orqanlarına gətirib. Mahmudovun MTN-ə başçılıq etdiyi illərdə sahibkarların şantajı və onlardan pul tələb edilməsi təcrübəsi geniş yayılmağa başlayıb.
2015-ci ildə MTN ləğv edilib və qurumun bir çox idarələrinin rəisləri və digər vəzifəli şəxsləri həbs edilib. Mahmudov özü həbsdən yayınıb, amma dəfələrlə istintaqa çağırılıb.
OCCRP Beynəlxalq Jurnalist Şəbəkəsi Mahmudovun ailə üzvlərinin Azərbaycanda və xaricdə çox sayda biznes aktivi olduğunu müəyyən edib. -06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz