Saleh Rüstəmov
Bakı/07.12.21/Turan: 23 gündür aclıq edən siyasi məhbus Saleh Rüstəmlinin güclü başgicəllənməsi var və görmə qabiliyyətini qismən itirib. Bu barədə çərşənbə axşamı Turan agentliyinə onun vəkili Bəhruz Bayramov bildirib.
Onun sözlərinə görə, həkimlər Rüstəmlidən qan analizi üçün nümunə götürüblər, bu gün isə ultrasəs müayinəsi ediləcək.
Həkimlər durumun kritik həddə çatması barədə xəbərdarlıq edirlər və sabah məcburi qidalanma ilə bağlı qərar qəbul etməlidirlər. Amma Rüstəmli bunun qəti əleyhinədir. Aclıq zamanı 17 kiloqram çəki itirib, 69 kiloqramdan 52 kiloqrama düşüb, vəkil qeyd edib.
Bayramov təəssüflə qeyd edib ki, işə yenidən baxılması barədə Ali Məhkəmənin Plenumuna müraciətinə hələlik heç bir cavab yoxdur.
Həmçinin səhhətilə əlaqədar Rüstəmlinin cəza müddətinin qalan hissəsindən azad edilməsilı bağlı Nizami Rayon Məhkəməsinə verilən müraciətə də nə vaxt baxılacağı məlum deyil.
*Azərbaycan Xalq Cəbhəsi Partiyasının tərəfdarı, Birinci Qarabağ Müharibəsinin veteranı Saleh Rüstəmov 2018-ci ilin mayında həbs edilib və “Azərbaycan Xalq Cəbhəsi Partiyasının qanunsuz maliyyələşdirilməsi" adlanan iş üzrə 7 il 3 ay müddətinə azadlıqdan məhrum edilib. Hüquq müdafiəçiləri onu siyasi məhbus kimi tanıyıblar. Sonradan Ali Məhkəmə cəza müddətini 2 ay azaldıb. Noyabrın 6-dan azadlıq tələbilə müddətsiz aclıq edir.
Saleh Rüstəmov Qarabağ müharibəsi veteranıdır. 1992-ci ildə Gədəbəy Rayon İcra Hakimiyyətinin başçısı olarkən rayonun sərhədyanı kəndlərinin təhlükəsizliyinin təmin edilməsi üzrə "Başkənd" əməliyyatının rəhbərlərindən biri olub. —06B-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz