Bakı/27.04.20/Turan: Aprelin 27-də vəkil Elçin Sadıqova Bakı İstintaq Təcridxanasında saxlanan Azərbaycan Xalq Cəbhəsi Partiyasının üzvü Zamin Salayevlə görüşə icazə verilməyib.
Bu barədə Turana məlumat verən Sadıqovun sözlərinə görə, o görüş üçün lazım olan bütün sənədlərini təqdim etsə də, ona müvəkkili ilə görüşə icazə verilməyib. "Bu gün Zamin Salayevlə görüşmək üçün Bakı İstintaq Təcridxanasına getdim. Vəkil orderimin təsdiq edilmiş surətini əlavə etsəm də, mənə görüş verilmədi. Mənə deyildi ki, guya mən işə baxmış və artıq hökm çıxarmış məhkəmədən məktub almalıyam. Bildirdim ki, hökm qəbul etdikdən sonra hakimin işə vəkili buraxmaq və ya buraxmamaq məsələsinə baxmaq səlahiyyəti olmadığı üçün hakim belə bir məktub verə bilməz. Bundan sonra dedilər ki, guya mən orderimi Penitensiar Ximdətə verməli və oradan icazə almalıyam. Bunun qanunvericlikdə nəzərdə tutulmadığını onların diqqətinə çatdırsam da mənə yenə görüş vermədilər".
Vəkil bildirdi ki, bununla onun peşə fəaliyyətinə və Salayevin müdafiə hüququna müdaxilə etdilər".
Sadıqov əlavə etdi ki, məsələ ilə bağlı Penitensiar Xidmətə və ombudsmana şikayət göndərdi.
Məsələ ilə bağlı Penitensiar Xidmətindən münasibət öyrənmək mümkün olmayıb.
Azərbaycan Xalq Cəbhəsi Partiyasının (AXCP) Salyan şöbəsinin fəalı Zamin Salayev rayonun polis şöbəsinin əməkdaşı Həmzə Əzizovun şikayəti ilə 2 il 3 ay azadlıqdan məhrum edilib. Aprelin 20-də Salyan rayon Məhkəməsində hakim Ağarza Səmədov bu barədə hökm çıxarıb. Hökmə əsasən, Z.Salayev CM-in 147 (böhtan) və 148-ci (təhqir) maddələri ilə təqsirli bilinib.
H.Əzizov AXCP fəalına qarşı xüsusi ittiham qaydasında iddia qaldırmışdı. Z.Salayev yanvarda sosial şəbəkələrdə polis əməkdaşıyla aralarındakı söhbətin videosunu paylaşmışdı. Aralarında Salyan sakini olan bir xanıma qarşı təcavüzdən söhbət gedirdi. Z.Salayev polis əməkdaşını sözügedən xanımı "bədbəxt etməkdə" suçlayırdı.
Bu video sosial şəbəkələrdə yayılandan sonra Z.Salayev polisə müqavimət ittihamıyla 30 sutkalıq həbs olunmuş, saxlanılarkən polis bölməsində işgəncələrə məruz qaldığını açıqlamışdı.
Daxili İşlər Nazirliyi (DİN) isə açıqlama yayaraq həm polis əməkdaşının təcavüz etməsi, həm də Z.Salayevin işgəncəyə məruz qalması barədə iddiaların yalan olduğunu bəyan etmişdi.-0-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz