Bəxtiyar Hacıyev
Bakı/20.12.22/Turan: Azərbaycanın bir qrup vətəndaş cəmiyyəti nümayəndəsi ictimai fəal, xuliqanlıq və məhkəməyə hörmətsizlik ittihamı ilə həbs edilən Bəxtiyar Hacıyevin istintaq təcridxanasında aclıq etməsindən dərin narahatlığını bildirib.
“Zərərçəkən olduğu halda Bəxtiyar Hacıyevin həbs edilməsi qanunvericiliyə, hüquqa kobud müdaxilə kimi görünür. İctimaiyyət bu həbsin siyasi motivli olması ilə bağlı yekdil qənaətdədir. Hacıyev bu ədalətsiz qərara etiraz əlaməti olaraq müddətsiz aclıq aksiyasına başlayıb və aclıq onun sağlamlığını təhlükəyə atır”, - vətəndaş cəmiyyəti fəallarının bəyanatında deyilir.
“Ermənistanla sülh müqaviləsilə bağlı danışıqlar prosesinin getdiyi, İranla münasibətlərin pisləşdiyi vaxtda daxili gərginliyə səbəb ola biləcək addımları ölkəmizin milli maraqlarına zidd hesab edirik. Siyasi təzyiq vasitəsi kimi təqsirsiz adamların həbsi praktikasını daxili siyasi gərginliyin əsas mənbəyi sayırıq”, - bəyanat müəllifləri qeyd edirlər.
Müəlliflər Hacıyevi aclığı dayandırmağa, hökuməti isə ona qarşı ədalətsiz qərardan imtina etməyə çağırırlar.
Müraciəti imzalayanlar: Nəsimi Məmmədli, Xalid Ağəliyev, Mehman Əliyev, Ələsgər Əhmədoğlu, Kamran Mahmudov, Rövşən Ağayev, Azər Mehdiyev, Seymur Kazımov, Namiq Abdullayev, İlham Hüseynli. 06B
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz