Vətəndaş Cəmiyyətinin Müdafiə Komitəsi üzvləri Qurban Bayramında vicdan məhbus ailələrini ziyarət etdi
Sentyabrın 24-də Qurban Bayramı münasibətilə Vətəndaş Cəmiyyətinin Müdafiə Komitəsi üzvləri vicdan məhbusları – jurnalist və blogerlər ailələrini ziyarət ediblər. Komitənin üzvü “Xural” qəzetinin baş redaktoru Əvəz Zeynallının verdiyi məlumata görə, Komitənin digər üzvləri "Turan" İnformasiya Agentliyinin rəhbəri Mehman Əliyev və "Siyasi Məhbusların Monitorinq Mərkəzi"nin sədri Elşən Həsənovla birlikdə siyasi məhbuslar Tofiq Yaqublunun, İlkin Rüstəmzadənin, Hilal Məmmədovun, Sirac və Fərəc Kərimli qardaşlarının,, Rauf Mirqədirovun, Ömər Məmmədovun, Rəşadət Axundovun və avgust ayında zorakılığa məruz qalaraq dünyasını dəyişmiş jurnalist Rasim Əliyevin ailələrində olublar, onlara bayram hədiyələrini çatdiriblar.
Onların rastlaşdıqları problemlərlə bağlı söhbətlər ediblər. Hazırda paytaxtda olmayan siyasi məhbus ailələri - Pərviz Həşimlinin, Xədicə İsmayılın, Seymur Həzinin, Nicat Əliyevin, Araz Quliyevin, Ərşad İbrahimovun yaxınları ilə əlaqə saxlayaraq onları təbrik ediblər.
Görüşdən sonra hər bir siyasi məhbusun üzləşdiyi problemlərlə bağlı Vətəndaş Cəmiyyətinin Müdafiə Komitəsinin imkanları daxilində müəyyən tədbirlər görəcəyini deyən Ə.Zeynallı bu cür ziyarətlərin gələcəkdə də davam etdirilməsinin zəruriliyini qeyd etdi: “Hər bir siyasi məhbus ailəsi tək olmadıqlarını, hər zaman vətəndaş cəmiyyəti tərəfindən dəstəkləndiyini hiss etməlidir. Bu baxımdan, bu ailələri təkcə bayramlarda deyil, mütəmadi olaraq ziyarət etmək, siyasi məhbusların həbsxanalardakı vəziyyətləri ilə maraqlanmaq, ailələrin qarşılaşdıqları çətinliklərdən birgə çıxış yolu axtarmaq lazımdır. Onsuz da bu ailələr bu və ya digər halda haqsızlıqlarla üzləşiblər, bu cür ziyarətlər həm də bu insanlara mənəvi dəstək verildiyini göstərmək üçün vacibdir”.
Komitənin sədri Arzu Abdullayeva səfərdə olduğu üçün ziyarətdə iştirak edə bilməyib. O da vurğulanıb ki, siyasi məhbusların birgə siyahısında yer alan bütün siyasi və vicdan məhbuslarının ziyarət olunacaq.
Hal hazırda Azərbaycanda 14 jurnalist və bloger azadlıgdan məhrum olunub.—0—
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz