Açiq mənbələrdən foto.
Vətəndaş və İnkişaf Partiyası partiya liderinə qarşı "saxta prosesin" dayandırılmasını tələb edir
Bakı/08.06.22/Turan: Vətəndaş və İnkişaf Partiyası hakimiyyətin partiyanın sədri Əli Əliyevə qarşı təzyiqləri davam etdirməsini qətiyyətlə pisləyərək, onun dərhal azad edilməsini tələb edir.
Bubarədə partiyanın bəyanatında deyilir. Partiya dünən həbsxanada aclığa başlayan Əliyevin səhhətinə görə məsuliyyəti hakimiyyətin üzərinə qoyur.
"Partiya Əli Əliyevin həbsdən tezliklə azad olunması üçün bütün qanuni vasitələrlə mübarizəni davam etdirəcəyini bəyan edir", deyə sənəddə qeyd edilir.
Öz növbəsində, partiyanın iki fəalı - Zaur Qasımov və Zeynal Abdullayev Vətəndaş və İnkişaf Partiyasının binasında Əli Əliyevə dəstək məqsədilə aclığa başlayıb.
* Əli Əliyev bu il yanvarın 13-də böhtan (CM-in 147.1-ci maddəsi) ittihamı ilə 5 ay müddətinə azadlıqdan məhrum edilib.
Aprelin 15-də məhkəmə digər iddiaçının eyni maddə üzrə ittihamı ilə Əliyevin həbs müddətini uzadıb.
İndi üçüncü iddiaçı da Əliyevə qarşı böhtan ittihamı irəli sürüb və həbs müddəti yenidən uzadıla bilər. -0-
Cəmiyyət
-
Oktyabrın 16-sı Bakı da daxil olmaqla, bütün Azərbaycan ərazisində yağış yağacağı gözlənilir. Ayrı-ayrı yerlərdə (Qazax-Gəncə, Naxçıvan MR, Qarabağ və Şərqi-Zəngəzur, Balakən-Şəki, Quba-Qusar, Dağlıq Şirvan, Mərkəzi Aran, Lənkəran-Astara) leysan xarakterli olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Oktyabrın 14-də Azərbaycan futbol yığması UEFA Millətlər Liqasının ev oyununda Slovakiya komandasına 1:3 hesabı ilə uduzub.
-
Tütün məmulatlarının, məişət tullantılarının ətraf mühitə atılmasına görə cərimənin məbləği artırılır. Bununla bağlı İnzibati Xətalar Məcəlləsinə dəyişikliklər Milli Məclisdə artıq birinci oxunuşda qəbul edilib. Hazırda məişət tullantılarının tutumlardan (urnalardan) kənar yerlərə atılmasına görə cərimə 50 manat təşkil edir. Dəyişikliyə əsasən, eyni əmələ görə fiziki şəxslər 300, vəzifəli şəxslər 1000, hüquqi şəxslər 4000 manat cərimə ediləcək.
-
Oktyabrın 15-də axşam paytaxtda və Abşeronda az yağıntı gözlənilir. Şimal -şərq küləyi cənub -şərq küləyinə keçəcək. Havanın temperaturu gecə müsbət 12 +16, gündüz müsbət 17 + 20 dərəcə olacaq. Rütubət gecə və gündüz 60-70 faiz olacaq.
Rəy yaz