Bakı/20.10.17/Turan: Hüquqşünasların və vətəndaş cəmiyyəti təmsilçilərinin narazılığına səbəb olan düzəlişlər ölkə parlamentinin gündəliyindən çıxarılıb. Söhbət Mülki-Prosessual Məcəllə, İnzibati-Prosessual Məcəllə və "Vəkillər və vəkillik fəaliyyəti haqqında" qanuna düzəlişləri nəzərdə tutan qanun layihəsindən gedir.
KİV-in məlumatına görə, bu düzəlişlər mülki və inzibati işlər üzrə məhkəmələrdə nümayəndəlik institutunun ləğvini nəzərdə tuturdu.
Qanun layihəsinə görə, belə işlərdə vətəndaşların hüquqlarını ancaq Vəkillər Kollegiyasının üzvləri müdafiə edə bilərdi. Bu, hüquqşünasların və vətəndaş cəmiyyəti təmsilçilərinin narazılığına səbəb olub. Çünki vəkillərin sayının az olması və Vəkillər Kollegiyasına yeni üzvlərin qəbulu prosedurunun mürəkkəbliyi ilə əlaqədar nümayəndəlik institutunun ləğvi mülki və inzibati işlərdə vətəndaşları müdafiəsiz qoya bilərdi.
Milli Məclisin 20 oktyabr iclasında parlamentin spikeri Oqtay Əsədov deyib ki, hazırlanma prosesində yol verilən nöqsanlara görə qanun layihəsi gündəlikdən çıxarılır.-06d--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz