Arxiv
Bakı/10.02.22/Turan: Fevralın 9-da İkinci Qarabağ müharibəsinin iştirakçısı Həsənov Sərdar Goranboy rayon İcra Hakimiyyətinin qarşısında intihara cəhd edib. O, öz üzərinə benzin tökərək yandırıb.
Həsənov Goranboy rayon xəstəxanasına yerləşdirilib.
O, problemlərin həll edilmədiyindən bu addımın atdığını bildirib. "Suyumuzu, işığımızı, qazımızı çəkmirlər. Deyirlər, bizlik deyil. Kimə müraciət edək? 8 aydır sürünmüşəm onların dalınca".
Daxili İşlər Nazirliyindən Turana bildirilib ki, fevralın 9-u saat 16 radələrində Goranboy şəhər sakini Sərdar Həsənov Rayon İcra Hakimiyyətinin qarşısında üzərinə yanacaq tökərək özünü yandırmağa cəhd göstərib. "Polis əməkdaşlarının çevikliyi sayəsində onun bu cəhdinin qarşısı alınıb, lakin bu zaman iki polis əməkdaşı yüngül dərəcəli yanıq xəsarətləri alıblar. Həsənov xəstəxanaya yerləşdirilib, vəziyyəti qənaətbəxşdir. Polis əməkdaşlarına xəstəxanada ilkin tibbi yardım göstərilib.Araşdırma aparılır".
Məsələ ilə bağlı Goranboy Rayon İcra Hakimiyyətindən münasibət öyrənmək mümkün olmayıb. –0—
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz