Açiq mənbələrdən foto.
Bakı/18.04.22/Turan: Aprelin 18-də bir qrup Qarabağ müharibəsi veteranı "Azərsığorta" Dövlət Sığorta Şirkətinin binası qarşısında etiraz aksiyası keçirib.
Onlar əlilliyin verilməsinə baxmayaraq, qanunla nəzərdə tutulan sığorta pulunu ala bilmədiklərindən şikayət ediblər.
“Hər dəfə bizi aldadırlar. Gah deyirlər, aprelin 14-də gəlin, gah deyirlər 15-də. Sonuncu dəfə aprelin 18-də veriləcəyini vəd etdilər. Ancaq bu gün bizi Dövlət Sosial Müdafiə Fonduna göndərirlər, onlar da “Azərsığorta”ya.
Bizim müalicəyə ehtiyacımız var, amma pul vermirlər. Prezidentin sərəncamı var və biz bu pulu almalıyıq”, - aksiya iştirakçılarından biri deyib.
Etirazçıların qarşısına heç kim çıxmayıb. Onların nümayəndələri özləri “Azərsığorta” daxil olublar. Orada onlara bildirilib ki, bu məsələyə cavabdeh şəxs iş yerində yoxdur.
Bundan sonra veteranlarla şirkət əməkdaşları arasında mübahisə yaranıb. Bundan sonra etirazçıların nümayəndəsi “Azərsığorta” rəhbərliyinə dəvət olunub. Danışıqların necə başa çatdığı məlum deyil.
Qeyd edək ki, müharibə veteranları vaxtaşırı aksiyalar keçirirlər, dövlət məmurlarının onların problemlərinə məhəl qoymamasından, hüquqlarını pozmasından şikayətlənirlər.-06B-
Cəmiyyət
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
Rəy yaz