![Vüqar Səfərlinin məhkəməsi başlayır](https://turan.az/resized/750/500/resize/media/2021/main/070600035279.jpg)
Vüqar Səfərlinin məhkəməsi başlayır
Bakı/06.07.21/Turan: KİV-ə Dövlət Dəstəyi Fondunun keçmiş rəhbəri Vüqar Səfərlinin barəsində cinayət işinin istintaqı başa çatıb və məhkəməyə göndərilib.
Xatırladaq ki, Səfərli Bakıda jurnalistlər üçün iki evin tikintisi layihəsinin reallaşdırılması zamanı 6 milyon manatın mənimsənilməsində, sənədlərin saxtalaşdırılmasında ittiham olunur.
2009-2020-ci illərdə Səfərli KİV-in İnkişafına Dövlət Dəstəyi Fonduna rəhbərlik edib. Həmin illərdə o, dövlət başçısının keçmiş köməkçisi Əli Həsənova məxsus Beynəlxalq Mətbuat Mərkəzində Fondun binasını şişirdilmiş qiymətlə icarəyə götürüb. Dövlətə dəyən zərər 800 min manatdan çox olub.
Həmçinin prokurorluq Səfərlinin həmin vəsaitin öz qohumuna məxsus "Futbol-qol" qəzetinin hesabına köçürülməsi yolu ilə 200 min manatdan artıq vəsaiti, həmçinin dəftərxana ləvazimatlarının alınması və təntənəli tədbirlərin keçirilməsi zamanı 300 min manatı mənimsədiyini bildirib.
Səfərli digər şəxslərlə qabaqcadan əlbir olaraq 2015-2018-ci illərdə oğurlanmış ümumi məbləği 5 milyon 796 min manat məbləğində vəsaiti kommersiya banklarından birində yerləşdirib.
Ona qarşı Cinayət Məcəlləsinin bir neçə maddəsi ilə ittiham irəli sürülüb: 179.4 (xüsusilə külli miqdarda ziyan vurmaqla mənimsəmə və israf etmə), 193-1.3.2 (cinayət yolu ilə əldə edilmiş külli miqdarda pul vəsaitlərini leqallaşdırma), 308.2 (ağır nəticələrə səbəb olan mühüm zərər vurulmaqla vəzifə səlahiyyətlərindən sui-istifadə etmə), 308-2.4 (satınalma prosedurları keçirilmədən külli miqdarda ziyan vurmaqla dövlət vəsaitlərini xərcləmə) və 313 (vəzifə saxtakarlığı).
Həmin maddələr üzrə onu 14 ilədək azadlıqdan məhrum olunma təhlükəi gözləyir.
Qeyd edək ki, Səfərli Əli Həsənovun yaxın adamı və əlaltısı idi. Əli Həsənovun havadarlığı olmadan çoxsaylı cinayətlər və talanlar çətin ki mümkün olsun.
Vüqar Səfərli 2020- ci ilin aprelində, Əli Həsənov isə 2019-cu ilin noyabrında vəzifəsindən azad edilib. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz