Bakı/06.07.21/Turan: ABŞ və Fransanın Bakıdakı səfirlikləri iyulun 3-də 15 erməni hərbçinin azad edilərək Ermənistana göndərilməsini alqışlayıblar.
"ABŞ bütün saxlanılanları azad etmək və ərazilərin minalardan effektiv təmizlənməsi üçün bütün məlumatları təqdim etməklə bağlı çağırışlarını davam etdirir.
Biz həmçinin Ermənistanı və Azərbaycanı münaqişənin uzunmüddətli və sülh yolu ilə həlli məqsədilə ATƏT-in Minsk Qrupu çərçivəsində danışıqları bərpa etməyə çağırırıq", - ABŞ səfirliyinin bəyanatında deyilir.
Fransa səfirliyinin bəyanatında deyilir ki, Zəngilan və Füzulinin minalanmış ərazilərinin xəritələrinin müqabilində 15 erməninin azad edilməsi "tərəflər arasında gərginliyin azaldılması və etimadın bərpası üçün mühüm jest oldu".
“Fransa ATƏT Minsk Qrupunun həmsədrliyi çərçivəsində tərəfləri bu müsbət dinamikanı davam etdirməyə çağırır və Cənubi Qafqazda sülhün möhkəmlənməsi işinə sadiqliyini ifadə edir", - bəyanatda deyilir.-16D-
Siyasət
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Almaniyanın xarici işlər naziri Annalena Berbok COP29-da iqlim dəyişikliyilə bağlı mübarizənin maliyyələşdirilməsi məsələsində Bakının mövqeyini haqsız hesab edib.
-
Noyabrın 25-də Qafqaz Müsəlmanları İdarəsinin sədri, şeyxülislam Allahşükür Paşazadə Birləşmiş Millətlər Təşkilatı Sivilizasiyalar Alyansının 10-cu Qlobal Forumunda iştirak etmək üçün Portuqaliyaya gedir. Bu barədə Qafqaz Müsəlmanları İdarəsinin məlumatında deyilir.
-
Milli Məclis bazar ertəsi payız sessiyası çərçivəsində plenar iclas keçirir. İclasda 2025-ci il dövlət büdcəsi haqqında qanun layihəsi və mövcud qanunvericiliyə təklif edilən dəyişikliklər müzakirə olunur.
Rəy yaz