Windows 10-un işində fasilə Bakı hava limanının işinə təsir etməyib
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
Baş verən nasazlıq Bakıya və Bakıdan reyslər həyata keçirən bir çox aviaşirkətin işinə təsir etməyib.
Bununla belə, qlobal problemlə əlaqədar Flynas aviaşirkətinin Ər-Riyad-Bakı-Ər-Riyad marşrutu üzrə reysi ləğv olunub.
Bir sıra aviaşirkətlərin - Wizz Air Abu Dhabi, Kuwait Airways və Turkish Airlines-in mümkün çətinliklərinə baxmayaraq, iyulun 19-na planlaşdırılan bütün reyslərin həyata keçiriləcəyi gözlənilir, deyə Bakı hava limanından bildiriblər.
Öz növbəsində, Azərbaycan Respublikası Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti Microsoft yaranmış qlobal fasilə haqqında rəsmi bəyanat paylaşana qədər Windows əməliyyat sisteminin yenilənməsini dayandırmağı tövsiyə edib.
Qeyd edək ki, Windows sistemində nasazlıq bütün dünyada müxtəlif sahələrdə, o cümlədən aviasiya, bank işi və digər sahələrdə xidmətlərin dayandırılmasına səbəb olub.
Azərbaycanın banklarına gəlincə, hələlik əməliyyat sisteminin işində fasilə ilə əlaqədar bu maliyyə qurumlarının fəaliyyətində problem yaranması haqqında hər hansı açıqlama verilməyib.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz