Xabarovskda yaşayan Azərbaycanlı dünya çempionunu öldürdüyünə görə 18 il həbs cəzası alıb
Moskva/20.12.18/Turan: Xabarovsk vilayət məhkəməsi dünən pauerliftinq üzrə dünya və Avropa çempionu Andrey Draçevin qətli ilə bağlı iş üzrə hökm çıxarıb. Təqsirləndirilən Anar Allahverənov (etnik Azərbaycanlı - Rusiya vətəndaşı) cəzasını ciddi rejimli cəzaçəkmə müəssisəsində çəkməklə, 18 il müddətinə azadlıqdan məhrum edilib, xəbəri TASS yayıb. O, Rusiya CM-in 105-ci maddəsinin 2-ci hissəsi üzrə (qətl) təqsirli bilinib.
Andrey Draçev 20 avqust 2017-ci il tarixində Xabarovskun mərkəzində kafenin qarşısında Anar Allahverənovla dava zamanı həlak olub. Dava iştirakçıları arasında üç toqquşma baş verib, sonuncusunda Allahverənov ayaq zərbəsi ilə Draçevi asfalta yıxıb və yerdə uzanan Draçevin başına bir neçə dəfə yumruq vurub. Pauerlifterin ölümündən sonra Allahverənov gizlənib, amma bir ay sonra ortaya çıxaraq, təqsirini boynuna alıb. -02D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz